Daniẹl 5:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Etiyin Bẹlshaza de ji urhi, a vwẹ emwa rẹ isene vwo rhuo Danẹl, e de ku ejọnrọn rẹ oro phihọ ohọre rọye, e de rhe ghwoghwo kpahọ nẹ, ọ gba dia osun rerha ro suẹn vwẹ uvie na.

Daniẹl 5:29 ပူးပေါင်းရင်းမြစ်များ

Jẹnẹsis 41:42

Etiyin Fero da ghwiẹ isa nẹ obo rọye o de kuo phihọ obo ri Josẹf, o de ku adagba ọfuanfon phihọ oma, o de ku ọjọnrọn re oro phihọ ohọre;

Ẹsta 10:3

Kidie Modekai rẹ ohwo ri Ju kọye vwọ kpahe Ovie Ahasuerus, ọ da rhe dia ohwo rode ro titiri vwẹ ohri rẹ imoni rọye, kidie ọ guọnọ erhuvwu rẹ ihwo roye ọ da ta ota rẹ ufuoma kẹ ihwo rọye ejobi.

Isẹ 1:9

kidie ayen omamọ rẹ erhu wo vwo tughẹ uyovwi wẹn, vẹ evwarha ru wọ gba phihọ ohọre.

Daniẹl 2:48

Etiyin Ovie na de mu ọghọ rọde vwọ kẹ Daniẹl. O de ji ru ẹse ride buebu vwọ kẹ, o de vwo mu osun ro suẹn unuakpọ ri Babilọn ejobi, kugbe onotu vwẹ enu rẹ evwaghwanre ri Babilọn ejobi.

Daniẹl 5:16

Ẹkẹvuọvo mi nyori nẹ wọ sa fan otọ rẹ emu kugbe obo re bẹn kẹ ohwo ejobi. Asakiephana wo de se se obo re siri na wọ da rha fan otọ rọye kẹ vwẹ, ka vwẹ amwa rẹ isene vwo rhuo we, e mi rhe ku ọjọnrọn rẹ oro phihọ ohọre wẹn, ku wọ cha dia ohwo rerha ro suẹn vwẹ uvie na.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

Daniẹl 6:2

ọ da vwẹ itidiaga erha vwọ mu phihọ enu rayen, Daniẹl kẹ ọvo vwẹ ohri rayen, kẹ ayen isun na nẹ iyẹnrẹn kẹ, rere emu ọvuọvo vwo jẹ ẹghwọrọ nẹ obọ rẹ ovie na.