Daniẹl 5:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ PẸRẸS, A ghare uvie wẹn a da vwọ kẹ ihwo ri Mid vi Pẹsha.

Daniẹl 5:28 ပူးပေါင်းရင်းမြစ်များ

2 Ikun rẹ Ivie 36:23

E nẹ Saerọs ovie ri Pẹsha tare, Ọrovwohwo na, Ọghẹnẹ rẹ odjuvwu, vwe uvie rẹ akpọ na ejobi kẹ vwẹ, ọ da vuẹ nẹ me bọn uwevwi kẹ vwi Jerusalẹm, rọi Juda. Kohwo kohwo vwe ohri re ihwo rọye, Ọrovwohwo Ọghẹnẹ rọye nene dia. E jo kpo.

Aizaya 13:17

Nighere, me cha nẹrhẹ ihwo ri Mid vwọ so ayen, ihwo ri se idọnọ gbe emuọvo-o oma rẹ oro je vwerha aye-en.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 51:28

Rhuẹrẹ ẹgborho na kẹ ofovwi ra vwọ suọ, ivie ri Mid kugbe isun rayen vẹ ediachavwẹ rayen, vẹ otọ kotọ rẹ uvie rayen.

Daniẹl 2:32

Uyovwi rẹ oma nana da dia omamọ rẹ oro e vwo ruo udu rọye vẹ abọ rọye da dia idọnọ ọfuanfon, okpevun rọye vẹ ekpoghowọ rọye kẹ ẹrovwo,

Daniẹl 2:39

Wọ da re nu, ovie ọfa ro yovwi te we cha rhe, uvie rerha re ẹrovwo je cha, ro che sun akpọ na ejobi.

Daniẹl 5:31

Dariọs ohwo ri Mid da reyọ uvie na, ohwo rẹ oma rẹ ẹgbukpe ujorha gbe ivẹ.

Daniẹl 6:28

Ọtiọye o de yovwi kẹ Daniẹl vwẹ ọke ri Dariọs vwọ suẹn kugbe ọke rẹ isuesun ri Sairọs ohwo ri Pẹsha.

Daniẹl 6:8

Asakiephana, E ovie, gbe ji urhi na re wo rhe phi odẹ wẹn phihọ ẹbe na, rere e vwo jẹ ẹrhẹriẹ, kirobo rẹ urhi rẹ ihwo ri Mid vẹ Pẹsha re sa rhẹriẹ-ẹ epha.

Daniẹl 8:20

Vwọ kpahe egbo na vẹ ighoro ivẹ, ru wọ mrẹre na, enana ivie ri Midia vẹ Pẹsha.

Daniẹl 9:1

Vwẹ ukpe rẹsosuọ ri Dariọs ọmọ rẹ Ahasuẹrus, re vwiẹri vwi Mid rọ rhe re uvie vwẹ ubrakpọ rẹ ihwo ri Kaldia.

Iruo rẹ Iyinkọn na 2:9

Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha.