Daniẹl 5:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 5:23 ပူးပေါင်းရင်းမြစ်များ

Jẹnẹsis 14:19

Ọ da nẹ ẹrhovwo kẹ tanẹ, Ebruba kẹ Ebram vwẹ oma rẹ Ọghẹnẹ ro Me Kpenu, rọ ma odjuvwu vẹ akpọ;

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Ivie rẹ Ivẹ 14:10

Wo ghine hwe Idọm, ke wọ kpara oma kpenu. Jẹn urinrin wẹn da wẹ ẹro rere wọ tidia urhuẹn wẹn; die sorọ wo vwo si ukpokpogho cha rere wo she, rere Juda vẹ owẹ vwo she?

ỌBE RẸ JOB 12:10

Obọ rọye arhọ ri kemu kemu epha kugbe ẹnwẹn rẹ ihwo na ejobi.

ỌBE RẸ JOB 31:4

Ọ rha mrẹ idjerhe mẹ-ẹ, ro de kerẹ ichiyotọ mẹ-ẹ?

Une rẹ Ejiro 104:29

Ọke wo de si opharo wẹn nu, ofu ko dje ayen, ọke wọ de si ẹnwẹ nẹ ayen oma, ayen ki ghwẹ ayen mi rhivwi kpọ iwurhie rayen.

Une rẹ Ejiro 115:16

Idjuvwu na idjuvwu rẹ Ọrovwohwo na, ẹkẹvuọvo otọ na kọye ọ vwọ kẹ emọ rẹ ihwo.

Une rẹ Ejiro 139:3

Wọwẹ rẹ hiẹn idjerhe mẹ phia kugbe ẹshẹrhẹn mẹ, wọ riẹn idjerhe mẹ ejobi.

Une rẹ Ejiro 146:4

Ọke rẹ ẹnwẹ rọye de no oma ko rhivwi kpo ekpẹn rọye, vwẹ ẹdẹ yena ọvuọvo na iroro rọ jẹre ejobi mi ghwru.

Isẹ 20:24

Ọrovwohwo re vwanvwan ichiyi rẹ ohwo kẹ, komavọ ohwo sa vwọ riẹn idjerhe rọye?

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 14:13

Wọ da ta vwẹ udu wẹn. Mi yeri kpo odjuvwu; vrẹn isio rẹ Ọghẹnẹ. Ke me bọn ekete mẹ phihọ obenu, Ki mi tidia vwẹ enu rẹ ugbenu rẹ ọghwẹgbe rọ he obenu shesheri,

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 33:10

Asakiephana ki Mi vrẹn, eriyin Ọrovwohwo tare, Asakiephana ke Me kpare oma Me kpenu, Asakiephana ka kpare ovwẹ kpenu

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Jerimaya 10:23

E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

Jerimaya 48:26

Ruo re idi muo, fikiridie ọ kpare oma kpenu kpahe Ọrovwohwo, ọtiọye Moab cha vwẹ obo rọkpare vwo ghworo oma, ekpuyovwi rọye rhe ka cha vwọ jehwẹ.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Izikiẹl 28:17

Udu wẹn da rhe vọn vẹ eheri fiki rẹ erhuvwu wẹn; wo de miovwi aghwanre wẹn fiki rẹ erhuvwu wẹn. Mi de mu we teye otọ; Me da ban wẹ phihọ vwẹ obaro rẹ ivie, rere ayen vwọ tọn ẹro rayen vi we.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Izikiẹl 28:5

Vwẹ ẹghwanre rode wọ vwọ chueki na ọye efe wẹn vwo bu na, udu wẹn da rhe vọn vẹ eheri fiki rẹ efe wẹn na–

Izikiẹl 31:10

Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

Daniẹl 11:12

Ọke rọ de phi urogho na kparobọ nure, kọ cha kparẹ oma kpenu, ko che gere uriori ihwe she teye otọ, ẹkẹvuọvo o che se phi kparobọ-ọ.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Daniẹl 8:11

O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Habakọk 2:4

Nighe, ohwo rẹ udu rọyẹ dia ọsoso-o chẹ she, ẹkẹvuọvo ọvwata kọ rhọ fiki rẹ esegbuyo-ta rọye.

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

1 Timoti 3:6

Ọ dia ohwo ro kurhẹriẹ vwobọ-ọ, eyẹ o de rhi phuoma ro de roro ọ rẹ oma rọye ọvọ o de rhi mu ufi rẹ idẹbono;

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Ẹvwọphia 9:20

Ihwo rẹ akpọ na ri chekọ, rẹ ọtiekọ na hweri-i, ji se kurhẹriẹ nẹ iruo rẹ abọ raye-en eyẹ siobọ nẹ egagọ rẹ idẹbono kugbe ema rẹ oro kugbe idọnọ efuanfon kugbe ẹrovwo kugbe oragha kugbe urhe, re sa mrẹ-ẹ eyẹ nyo eyẹ yan;

Iguẹdjọ 16:23

Ọke nana ehọnvwọre ri Filistia ejobi de rhi koko rere ayen ze izobo rode kẹ Dagọn rẹ ẹdjọ rayen, rere ayen rhe ghọghọ, fikiridie ayen tare nẹ, Ẹdjọ rẹ avwanre phi Samsin ọvweghrẹ rẹ avwanre phihọ obọ rẹ avwanre nure.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.