Daniẹl 5:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Daniẹl 5:20 ပူးပေါင်းရင်းမြစ်များ

Ivie rẹ Ivẹ 17:14

Ẹkẹvuọvo ayen kerhọ-ọ, ẹkẹvnọvo ayen de fi udu gbere kirobo rẹ esẹ rẹ ayen ruru ri jẹ Ọrovwohwo Ọghẹnẹ rayen esegbuyota.

2 Ikun rẹ Ivie 32:25

Ẹkẹvuọvo Hẹzikaya rha kpẹvwẹ ẹse re ru kẹ na-a, kidie eheri da rhe vọn udu rọye. Fiki rẹ ọtiọye na ophu da rhe dia uyovwi rọye kugbe Juda vi Jerusalẹm.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

Ẹyano 18:11

Asakiephana me riẹnre nẹ Ọrovwohwo rhonọ eghẹnẹ ejobi, kidie o sivwi ihwo na nẹ obọ rẹ ihwo rẹ Ijipt, ọke rẹ ayen vwọ kpare oma kpenu kẹ ayen.

Ẹyano 9:17

Wọ je kpare oma wẹn kpenu kpahe ihwo mẹ, wọ je rhọvwẹ nẹ ayen kpo-o.

Ẹyano 9:7

Fero de ji ihwo, nighe, ọvuọvo ghwu vwẹ uchuru rẹ ihwo rẹ Izrẹl na-a. Ẹkẹvuọvo yẹ udu ri Fero je gan phihọ, o gbi ji siobọ nẹ ihwo na kpo-o.

Isẹ 16:18

Eheri re karo kẹ ẹghwọrọ, oma ephuo me rha karo kẹ eshe.

Isẹ 16:5

Ohwo kohwo ro phuoma ejobi ẹgua kẹ Ọrovwohwo, jo mu we ẹro nẹ, ọ cha sa vabọ rẹ oja ẹriọ-ọ.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 48:18

Wotọ rhe nẹ urinrin wẹn, wọ tidia vwẹ otọ ọyaya, E ihwo ri Dibọn! Kidie ọghwọrọ ri Moab rhi bru vwa wẹ re; ọ guọghọ ogba ọgangan wẹn nure.

Izikiẹl 30:6

E nẹ Ọrovwohwo tare: Otu re cha Ijipt uko che she, eheri rẹ ogangan rayen che kpotọ, nẹ Migdol re te Siyene ọlọkọ kọye ayen wan she vwẹ evun rọye, eriyin Ọrovwohwo Ọghẹnẹ tare.

Izikiẹl 31:10

Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 4:26

Kirobo ra vuẹrẹ nẹ o yan jẹ uchuku rẹ awọ re urhe na vwọ na, uvie wẹn kọ dia kẹ wẹ nẹ ọke wo vwo segbuyota nẹ odjuvwu ri suẹn.

Daniẹl 4:28

Enana ejobi da rhe phia kẹ Ovie Nebukadreza.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Daniẹl 8:8

Etiyin ẹkpro na da rhe kpare oma rọye kpenu gangan, ẹkẹvuọvo ọke rọ rhe vwọ ganre, ighoro rọye rọde na de rhi vwirhi, asan rẹ ighoro na vwirhi nu na ighoro ẹne efa da tan no rhe ri nẹ igogo rẹ odju ẹne rẹ irharheghe rẹ akpọ na.

Iyẹnrẹ Esiri ri Luk 18:14

Me ta kẹ wẹ, ohwo na re ase kpo uwevwi rọye nọ ọ ro chekọ na; kidie kohwo kohwo ro mu oma rọye kpenu ke vwo kpotọ, ẹkẹvuọvo ọ rọ vwẹ oma rọye kpotọ ke vwo kpenu.

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.

1 Samuẹl 6:6

Die nẹrhẹ udu rẹ ovwan gan kirobo rẹ udu rẹ ihwo rẹ Ijipt kugbe Fero ganre? Ọke rẹ ayen vwọ mrẹ emu ọgangan nu ayen rhe siobọ nẹ ayen kpo, rẹ ayen de ghinẹ kpo?