Daniẹl 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke ri Bẹlshaza vwọ davwẹ udi na ọ da tanẹ e mu ekuakua rẹ oro vẹ iri idono efuanfon ri Nebukadneza, ọsẹ rọye ghwẹ nẹ uwevwi rẹ Ọghẹnẹ vwi Jerusalẹm rhe, nẹ a ghwẹ ayen rhe, rere ovie vẹ ehọnvwọre rọye, te eya rọye vẹ esen rọye vwẹ ayen da udi.

Daniẹl 5:2 ပူးပေါင်းရင်းမြစ်များ

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

Ivie rẹ Ivẹ 24:13

Ọ da ghwa efe rẹ uwevwi rẹ Ọrovwohwo na, kugbe efe rẹ evun rẹ uwevwi rẹ ovie na, ọ da nyavwe iwawa rẹ iro ri Solomọn ovie rẹ Izrẹl ru phihọ uwevwi rẹ Ọrovwohwo na ibribro, kirobo rẹ Ọrovwohwo na tarọ jovwo.

Ivie rẹ Ivẹ 25:15

Tẹ evwẹrẹ rhe, kugbe udjokpo. Obo ra vwẹ oro ru olotu rẹ ohẹrhẹ na da reyọ kpo kerẹ oro, oravwọ rẹ a vwẹ idọnọ ru ọ da reyọ kerẹ idọnọ.

2 Ikun rẹ Ivie 11:20

Ọ da rha reyọ Maakah ọmọtẹ rẹ Absalọm vwọ kpahọ, o de vwiẹ Ahijah, Attai, Ziza, vi Shelọmit kẹ.

2 Ikun rẹ Ivie 15:16

Ekpuyovwi ri Maakah, rẹ oni rọye, Ovie Asa da djẹ nẹ ọ gbe dia oni rẹ ovie-e fikiridie o gbe ẹgua rọ vwọ kare oma rọye kẹ Ashera. Asa da nyavwe oma rọye na she, ọ da guọghọ, ọ da torhẹ vwẹ obo uto ri Kidrọn.

2 Ikun rẹ Ivie 36:10

Vwẹ ọke evwru vwẹ ukpe yena Ovie Nẹbukadreza de ji ikọn re muo kpo Babilọn, vẹ ekuakua eghaghare re uwevwi rẹ Ọrovwohwo na, o da vwi Zedikaya mu ovie vwẹ enu ri Juda Jerusalẹm.

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

Ezra 5:14

Te oro kugbe ekuakua rẹ idọnọ rẹ uwevwi rẹ Ọghẹnẹ, ri Nebukadreza muru nẹ uwevwi na vwi Jerusalẹm vwo kpo uwevwi ri Babilọn, enana Sairọs ovie rhoma reyọ nẹ uwevwi ri Babilọn vwọ rhe, a da ghwẹ ayen vwọ kẹ ohwo ọvo re se Sheshbazar, ro vwo mu osun.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 50:35

Ọlọkọ vwẹ enu rẹ ihwo ri Kaldia, eriyin Ọrovwohwo tare, ji kugbe enu rẹ ihwo ri Babilọn, vwẹ enu rẹ isun vẹ evwaghwanre rọye!

Jerimaya 52:19

ji te ize itete vẹ ize rẹ enyerhanre, vẹ ize ride, vẹ ichẹ, vẹ ogburhukpẹ, vẹ isete ra vwọ torhẹ izobo, kugbe iko ra vwọ jẹ udi. Obo ra vwẹ oro ru ejobi, onotu rẹ ohẹrhẹ na da ghwẹ ayen yanran kerẹ oro, obo rọ dia idọnọ kerẹ idọnọ.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

Daniẹl 5:13

Etiyin a da reyọ Daniẹl rhe obaro rẹ ovie na. Ovie na da ta kẹ Daniẹl, Wẹ hẹ Daniẹl na, ọvo vwẹ usun rẹ ihwo re mu nẹ Juda rhe, rẹ ovie ọse mẹ mu nẹ Juda rhe?

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 5:3

Etiyin ayen da ghwẹ ekuakua rẹ oro vẹ idọnọ efuanfọn na ra ghwẹ nẹ uwevwi rẹ Ọghẹnẹ vwi Jerusalẹm rhe; te ovie na te ehọnvwọre rọye, te eya rọye te esen rọye da vwẹ ayen da udi.

Daniẹl 5:30

Ason yena ọvuọvo na e de hwe Bẹlshaza ovie ri Kaldia.

Daniẹl 5:4

Ayen da da udi, ayen de jiri ẹdjọ rẹ oro vẹ idọnọ efuanfọn, ẹrọvwo, utehru, urhe vẹ oragha.

Ukeri 7:79

izobo rọye da dia ọsete rẹ idọnọ ọfuanfon ọvo, rẹ ẹhọhọ rọye te shekẹl ujosan gbe ihwe, oze rẹ idọnọ ọfuanfon ọvo ri shekẹl ujorha gbe ihwe, kirobo ri shekẹl rẹ ẹshẹ na epha, ivivẹ na vọnre vẹ omamọ rẹ eyagha rẹ ọka ra vwẹ evwri gua kugbe re vwo ze izobo rẹ ọka;