Daniẹl 5:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.

Daniẹl 5:19 ပူးပေါင်းရင်းမြစ်များ

Ivie rẹ Ivẹ 25:28

O da vwẹ ẹnwẹ rẹ ọghọ vwọ ta ota kẹ, ọ da kẹ ẹdia ro kpenu vrẹn ẹdia rẹ ivie re vẹ ọye gba herọ vwẹ evun ri Babilọn.

Isẹ 16:14

Ivuemiovwo rẹ ovie ọye ikun rẹ ughwu, ọvwẹghwanre kọye ri se fue.

Aghwoghwo 8:3

yan nẹ obaro rọye, wo rha ghwọrọ ọke vwẹ ẹsiẹ rẹ ota rọye de miovwo uwe ivu-un, kidie obo ri jere ọ ruẹ.

Izikiẹl 31:11

mi che phio phihọ obọ rẹ ọgba rẹ ẹgborho na; ko che ruo kirobo rẹ umwemwu rọye guọnọre. Me kpaherọ kufia.

Daniẹl 11:12

Ọke rọ de phi urogho na kparobọ nure, kọ cha kparẹ oma kpenu, ko che gere uriori ihwe she teye otọ, ẹkẹvuọvo o che se phi kparobọ-ọ.

Daniẹl 11:16

Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Daniẹl 11:3

Etiyin ovie rode ko che mu, ko che sun vẹ ogangan rode o mi rhe ru obo ri jere.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 3:4

Etiyin aghwoghwo na da van ghwoghwo tanẹ, E ihwo, ẹgborho, kugbe ephẹrẹ, e jẹn ovwan riẹn,

Daniẹl 3:6

Kohwo kohwo ro rhe she diguẹ ga vwẹ ugege yena-a ka kparo phihọ ogidi erhanre.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Habakọk 2:5

Ọ rọ marho, udi vwenẹ emu rẹ ogbarogba; ohwo rọ phoma cha sa dia-a. Urhuru ẹvwo rọye epha ghwọrọ kerẹ Erivwi; kerẹ ughwu evun vọ-ọn. Ọ ghwẹ ẹgbọrhọ rẹ akpọ na ejobi koko kẹ oma rọye, o mi toro ihwo na ejobi koko kẹ oma rọye.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,