Daniẹl 5:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Daniẹl 5:18 ပူးပေါင်းရင်းမြစ်များ

Ivie rẹ Ivẹ 25:28

O da vwẹ ẹnwẹ rẹ ọghọ vwọ ta ota kẹ, ọ da kẹ ẹdia ro kpenu vrẹn ẹdia rẹ ivie re vẹ ọye gba herọ vwẹ evun ri Babilọn.

Une rẹ Ejiro 47:2

Kidie Ọrovwohwo ọ ro me kpenu, o mu oshọ, ovie rode vwẹ enu rẹ akpọ na ejobi.

Une rẹ Ejiro 7:17

Ke me kẹ Ọrovwohwo ẹkpẹvwẹ ro fo kẹ ọvwata rọye, ke me so une rẹ ejiro kẹ odẹ rẹ Ọrovwohwo, ro me Kpenu.

Une rẹ Ejiro 9:2

Me ghọghọ re oma vwerhe ovwẹ kpahe owẹ, Me so ine rẹ ejiro kẹ odẹ wẹn, E Ọ ro me Kpenu.

Une rẹ Ejiro 92:8

ẹkẹvuọvo wọwẹ, E Ọrovwohwo, obenu wọ dia bẹdẹ.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Uvwerhe 3:35

rere o vwo dje ẹkẹn ute ro te ohwo kufia vwẹ obaro rẹ Ọro Me kpenu na,

Uvwerhe 3:38

Ọ dia unu rẹ Ọro me kpenu na ọye uyoyovwi vẹ umiovwo nurhe?

Izikiẹl 31:11

mi che phio phihọ obọ rẹ ọgba rẹ ẹgborho na; ko che ruo kirobo rẹ umwemwu rọye guọnọre. Me kpaherọ kufia.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:2

Me mrẹ re nẹ oyovwi kẹ vwẹ mi vwo dje eka vẹ igbunu rẹ Ọghẹnẹ ro me kpenu ejobi ru kẹ vwẹ

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Daniẹl 6:22

Ọghẹnẹ mẹ ji amakashe rọye rhi rhurhu inu rẹ ikpohrokpọ na, ayen gbe sa wanvwoma-a, fikiridie me re abe vwẹ obaro rọye-e, ọtiọye rhe ji te obaro wẹ, E ovie, mi ru obo re chọre-e.

Iruo rẹ Iyinkọn na 26:13

Vwẹ oghẹruvo koko, E ovie, vwẹ idjerhe me da mrẹ enu rọ nyavwaro, gala gala kerẹ ọnre, rọ bẹre mu vwe kugbe ihwo re vẹ ovwẹ gba hẹ usun.

Iruo rẹ Iyinkọn na 26:19

Vwẹ ọtiọye na, E Ovie Agripa, mi rhe vwo udu kẹ emramrẹ rẹ odjuvwu na-a,

Iruo rẹ Iyinkọn na 7:48

Dede na Ọro Mekpenu na dia uwevwi ra vwẹ abọ bọ-ọn; Kirobo rẹ ọmraro na tarẹ,

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.