Daniẹl 5:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.

Daniẹl 5:12 ပူးပေါင်းရင်းမြစ်များ

Une rẹ Ejiro 16:3

Vwọ kẹ ihwo efuanfon vwẹ evun rẹ otọ na, ayen ihwo re mu ọghọ kẹ, ayen ọvo ivun rayen vwerha ovwẹ.

Isẹ 12:26

Ọvwata siẹ oma rọye nẹ umwemwu eruo, ẹkẹvuọvo idjerhe rẹ iruimwemwu na suẹn ayen ghwrẹ.

Isẹ 17:27

Ohwo ro rhurhu ota ba unu jo vwo erianriẹn, ọ rọ vwọ ẹnvwẹ ofuefu ọye ohwo ro vwo ẹruọ.

Izikiẹl 28:3

wo ghene ghwanre nọ Daniẹl; o vwo emu ọvuọvo rọ djahe kẹ wẹ-ẹ,

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 2:26

Ovie na da ta kẹ Daniẹl, re se odẹ rọye Bẹlteshaza, Wọ sa ta evwerhẹ re me vwerhẹre na kẹ vwẹ, re wọ da je sa fan otọ rọye kẹ vwẹ?

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:8

Ukuko rọye, Daniẹl de rhe mudia vwẹ obaro mẹ–ohwo re wene odẹ rọye phihọ Bẹlteshaza, odẹ rẹ ẹdjọ mẹ, ohwo re erhi rẹ eghẹnẹ efuanfon vọn oma–me da ta evwerhẹ na kẹ, tanẹ,

Daniẹl 5:14

Mi nyo ikun wẹ nẹ erhi rẹ ẹghẹnẹ efuanfọn na hẹ evun wẹn, nẹ orẹmrẹ, vẹ ẹruọ vẹ omamọ rẹ aghwanre rhe we.

Daniẹl 5:16

Ẹkẹvuọvo mi nyori nẹ wọ sa fan otọ rẹ emu kugbe obo re bẹn kẹ ohwo ejobi. Asakiephana wo de se se obo re siri na wọ da rha fan otọ rọye kẹ vwẹ, ka vwẹ amwa rẹ isene vwo rhuo we, e mi rhe ku ọjọnrọn rẹ oro phihọ ohọre wẹn, ku wọ cha dia ohwo rerha ro suẹn vwẹ uvie na.

Daniẹl 6:3

Etiyin Daniẹl nana da fẹnẹ vwẹ usun ri itidiaga na vẹ isun ri chekọ ejobi, fikiridie omamọ rẹ erhi rhere, ovie na da je iroro rọ vwọ vwi Daniẹl ka obenu vwẹ uvie na ejobi.

Daniẹl 6:4

Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Kolose 1:29

Fiki rẹ ọnana kọye me vwọ wian rhe, me vwọ pharha kẹ iruo na, kirobo rẹ oruru rẹ iruo na gan te vwẹ evun mẹ.