Daniẹl 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ E Belteshaza onotu rẹ evwaghwanre na, fikiridie me riẹnre nẹ erhi rẹ eghẹnẹ efuanfon hẹ evun wẹn o rhe vwo emuigbunu ọvo rọ sa bẹn kẹ wẹ-ẹ, ọna evwerhẹ re me vwerhẹre na; fan otọ rọye kẹ vwẹ.

Daniẹl 4:9 ပူးပေါင်းရင်းမြစ်များ

Jẹnẹsis 41:38

Fero da ta kẹ idibo rọye nẹ, Ke avwanre sa mrẹ ohwo ọtiọnana, re erhi rẹ Ọghẹnẹ rheri?

Aizaya 33:18

Udu wẹn ko ghọghọ vwẹ oshọ na Tivọ ohwo rọ kere na ẹpha, tivọ ọ rọ vwanvwan igho na epha? Tivọ ọ rọ kere ọherhe na epha?

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Izikiẹl 17:23

Vwẹ obenu rẹ ugbenu rẹ Izrẹl Me cha kọn phihọ, rere ọ vwọ tan eghọn buebu rọ mọ emamọ, rere o rhi hirhe phihọ uvi rẹ urhi rẹ igedu, obotọ rọye kọye koka koka rẹ eranvwe cha dia, vwẹ ophie rẹ eghọn rọye kọye kọphran kọphran cha bọn ẹho phihọ.

Izikiẹl 28:3

wo ghene ghwanre nọ Daniẹl; o vwo emu ọvuọvo rọ djahe kẹ wẹ-ẹ,

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Daniẹl 2:48

Etiyin Ovie na de mu ọghọ rọde vwọ kẹ Daniẹl. O de ji ru ẹse ride buebu vwọ kẹ, o de vwo mu osun ro suẹn unuakpọ ri Babilọn ejobi, kugbe onotu vwẹ enu rẹ evwaghwanre ri Babilọn ejobi.

Daniẹl 4:18

Evwerhẹ nana kọye mẹvwẹ, Ovie Nebukadneza, vwerhẹre. We, E Belteshaza, fan otọ rọye, fikiridie ihwo ri vwo aghwanre vwẹ uvie mẹ na, sa fan otọ rọye kẹ vwẹ-ẹ ẹkẹvuọvo wo se ruo, kidie erhi rẹ eghẹnẹ efuanfon na hẹ evun wẹn.

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 4:8

Ukuko rọye, Daniẹl de rhe mudia vwẹ obaro mẹ–ohwo re wene odẹ rọye phihọ Bẹlteshaza, odẹ rẹ ẹdjọ mẹ, ohwo re erhi rẹ eghẹnẹ efuanfon vọn oma–me da ta evwerhẹ na kẹ, tanẹ,

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

1 Samuẹl 4:8

Ekan kẹ avwanre! Ono se sivwi avwanre nẹ ogangan rẹ edjọ ride nana? Enana edjọ re vwẹ oghẹre rẹ emiavwe buebu ghwọrọ ihwo rẹ Ijipt vwẹ evun rẹ aton na.