Daniẹl 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Daniẹl 4:7 ပူးပေါင်းရင်းမြစ်များ

Jẹnẹsis 41:24

eduru rẹ eka re gẹngẹn na da rọ iri gbuke yoyovwi na. Me tarọ kẹ ẹboepha ejobi, ẹkẹvuọvo o vwo ohwo rọ sa fan otọ rọye kẹ vwẹ-ẹ.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Une rẹ Ejiro 37:35

Me mrẹ oruimwemwu vwẹ evun re ogangan rode re, ọ da rho kpenu kerẹ uloho ri Lẹbanọn.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Izikiẹl 31:3

Nighe, me vwẹ owẹ dje igẹdu vwi Lebanọn, vẹ omamọ rẹ eghọn kugbe ophie rẹ egbo, o de gro kpenu gogorogo, ẹroro rọye de kpo obenu nẹghẹ nẹghẹ.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 2:10

Ihwo ri Kaldia na da kpahe ke ovie na, O vwo ohwo ọvuọvo vwẹ akpọ na ro se ru obo rẹ ovie na nọre na-a, kidie a je mrẹ ovie rode ro vwo ogangan rọ nọ ekpẹn rẹ emu ọtiọnana vwẹ obọ rẹ egbẹnẹkẹ, eyẹ idjene, eyẹ eboepha, eyẹ, erienda rọye devọ-ọ.

Daniẹl 2:27

Daniẹl da kpahe kẹ ovie, o vwo ọvwaghwanre ọvuọvo, eyẹ otu rẹ idjene eyẹ otu rẹ egbẹnẹkẹ eyẹ otu rẹ fan otọ rẹ isio ri se dje emuigbunu nana rẹ ọvie nọre na kẹ-ẹ,

Daniẹl 2:7

Ayen da kpahe vwẹ obọ rivẹ, E jẹn ovie ta evwerhẹ na kẹ idibo rọye, kẹ avwanre fan otọ rọye kẹ wẹ.

Daniẹl 3:8

Etiyin ihwo ri Kaldia evo da rhe obaro rhe vwẹ ihwighwu gborho ihwo ri Ju na.

Daniẹl 4:18

Evwerhẹ nana kọye mẹvwẹ, Ovie Nebukadneza, vwerhẹre. We, E Belteshaza, fan otọ rọye, fikiridie ihwo ri vwo aghwanre vwẹ uvie mẹ na, sa fan otọ rọye kẹ vwẹ-ẹ ẹkẹvuọvo wo se ruo, kidie erhi rẹ eghẹnẹ efuanfon na hẹ evun wẹn.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

Daniẹl 5:8

Etiyin evwaghwanre rẹ ovie na ejobi da rhe, ẹkẹvuọvo ayen se se obo re siri na, yẹrẹ sa fan otọ rọye kẹ ovie-e.