Daniẹl 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 4:5 ပူးပေါင်းရင်းမြစ်များ

Jẹnẹsis 41:1

Rẹ ikpe ivẹ soso vwọ wan nu, Fero da vwerhẹ evwerhẹ nẹ ọye de mudia orhoma rọ urhie ri Nile,

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 2:1

Vwẹ ukpe rivẹ rẹ eriọ ri Nebukadreza ovie, Ọ da vwerhẹ evwerhẹ, etiyin udu de bro, o de gbune rhọvwọ.

Daniẹl 2:3

Etiyin ovie da ta kẹ ayen, Me vwerhẹ evwerhẹ udu ko bru vwẹ me vwọ riẹn otọ rẹ evwerhẹ na.

Daniẹl 4:10

Obo me mrẹre vwẹ ọke ri mi vwo shevwerhẹ ehwa na ke ena. Nighe, me da mrẹ urhe ọvo vwẹ uherevie rẹ akpọ na, ugrọgrọ rọye kpenu gangan.

Daniẹl 4:13

Nighe, mi vwo shevwerhẹ ehwa, me da mrẹ emramrẹ vwẹ evun rẹ evwerhẹ mẹ, ọrhẹrotọ ohwo ọfuanfọn, o de wotọ nẹ obo odjivwu rhe.

Daniẹl 4:15

Ẹkẹvuọvo yan jẹn uchuku rọye vwo otọ vwẹ ọghrọrọ rẹ utehru vẹ ẹrovwo vwọ gba, vwẹ ohri rẹ odi eboba re hẹ aghwa na. Jẹn irho rẹ obenu rho kuo, ghare ẹkẹn rọye vẹ eranvwe re ria odi vwẹ aghwa kugbe.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 5:10

Aye rẹ ovie na, da je rhe asan ra da da, da ria vwẹ ọguan rẹ ovie na, fiki rẹ ota rẹ ovie na vẹ ehọnvwọre rọye; etiyin aye rẹ ovie na da ta, E ovie, wọ re bẹdẹ! Wo jẹ iroro wẹn djẹ oshọ mu we-e, yẹrẹ ophioma wẹn kuẹrhẹriẹ-ẹ.

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.