Daniẹl 4:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Vwẹ ọke yena, iroro mẹ de bru vwẹ rhe; fiki rẹ urinrin rẹ uvie mẹ, ọrho mẹ vẹ erhuvwu mẹ de rhivwi bru vwẹ rhe. Edieguare mẹ vẹ ehọnvwọre mẹ da guọnọ o vwẹ mrẹ, owọ mẹ de rhi muọtọ kokoroko vwẹ evun rẹ uvie mẹ, a da rha vwẹ ọrho buebu efa vwọ ba kẹ vwẹ.

Daniẹl 4:36 ပူးပေါင်းရင်းမြစ်များ

ỌBE RẸ JOB 13:12

Itẹ wẹn na de họhọ iwurhie diodi, ochọẹchọ wẹn na e họhọ ọphiẹn ghevweghe.

Isẹ 22:4

Osa rẹ omevwokpotọ vẹ oshọẹdje rẹ Ọrovwohwo na efe kugbe ọghọ vẹ arhọ.

Daniẹl 2:31

Wọ mrẹre, E ovie, nighe oma rode ọvo, oma nana, gidigba o lo wronwron, o de mudia vwẹ obaro wẹ, ekroma rọye muọshọ.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.