Daniẹl 4:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 4:34 ပူးပေါင်းရင်းမြစ်များ

2 Samuẹl 22:31

Idjerhe rẹ Ọghẹnẹ nana gbare; iveve rẹ Ọrovwohwo vwẹ uyota phia, ọye odjahọ kẹ ihwo re djẹ bro rhe ri sioma nu.

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

1 Ikun rẹ Ivie 29:13

Asakiephana ma kpẹvwẹ owẹ, Ọghẹnẹ rẹ avwanre, me jiri odẹ wẹn rẹ urinrin na.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

Une rẹ Ejiro 10:16

Ọrovwohwo ovie rhiri bẹdẹ bẹdẹ; ẹgborho na cha ghwọrọ nẹ otọ rọye.

Une rẹ Ejiro 102:24

E Ọghẹnẹ mẹ, me tare, wọ reyọ ovwẹ vwẹ uherevie rẹ ẹdẹ mẹ, wọwẹ rẹ ikpe rọye dia rhiri na vwe uvwiẹ ejobi na!

Une rẹ Ejiro 107:15

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ iruo re igbunu rọye ro ru ke ẹmo rẹ ihwo!

Une rẹ Ejiro 107:22

Jẹn ayen ze izobo rẹ ẹkpẹvwẹ, re gbe ikun re uruemu rọye vwẹ ine rẹ aghọghọ!

Une rẹ Ejiro 107:31

Jẹn ayen kpẹvwẹ Ọrovwohwo fiki rẹ ẹguọnọ rọye ro jẹ rhẹriẹ, fiki rẹ iruo re igbunu rọye ro ru kẹ emọ rẹ ihwo!

Une rẹ Ejiro 107:8

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ Iruo re igbunu rọye ro ru ke emọ re ihwo!

Une rẹ Ejiro 111:7

Iruo rẹ obọ rọye uyota vẹ ọsoso iji rọye ejobi a vwẹ ẹro suọ,

Une rẹ Ejiro 121:1

Me kpare ẹro mẹ ni enu rẹ igbenu na Asan re ọchuko mẹ nẹ cha?

Une rẹ Ejiro 123:1

We me kpare ẹro mẹ ni, E wọwẹ rọ vẹn phihọ ekete vwẹ obo odjuvwu!

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Une rẹ Ejiro 146:10

Ọrovwohwo ọ ri rhiri bẹdẹ Ọghẹnẹ wẹn, E Zayọn, kẹ uvwiẹ ejobi. Jiri Ọrovwohwo na!

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Une rẹ Ejiro 66:7

ọ ro suẹn vwẹ ẹgba rọye bẹdẹ, rẹ ẹro rọye rhẹrẹ ẹgborho na– wo jẹn ihwo okpetu na mu oma rayen kpenu-u.

Une rẹ Ejiro 7:17

Ke me kẹ Ọrovwohwo ẹkpẹvwẹ ro fo kẹ ọvwata rọye, ke me so une rẹ ejiro kẹ odẹ rẹ Ọrovwohwo, ro me Kpenu.

Une rẹ Ejiro 9:2

Me ghọghọ re oma vwerhe ovwẹ kpahe owẹ, Me so ine rẹ ejiro kẹ odẹ wẹn, E Ọ ro me Kpenu.

Une rẹ Ejiro 92:1

Oyoma ra vwọ vwẹ ẹkpẹvwẹ kẹ Ọrovwohwo, ra vwọ so ejiro kẹ odẹ wẹn, ọ ro Me Kpenu,

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 24:15

Fiki rẹ ọtiọye na vwẹ urinrin kẹ Ọrovwohwo vwẹ obaro ọnre, vwẹ orhoma re abadi na ejobi, vwẹ urinrin kẹ odẹ re Ọrovwohwo, Ọghẹnẹ re Izrẹl.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Uvwerhe 3:38

Ọ dia unu rẹ Ọro me kpenu na ọye uyoyovwi vẹ umiovwo nurhe?

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 4:2

Me mrẹ re nẹ oyovwi kẹ vwẹ mi vwo dje eka vẹ igbunu rẹ Ọghẹnẹ ro me kpenu ejobi ru kẹ vwẹ

Daniẹl 4:26

Kirobo ra vuẹrẹ nẹ o yan jẹ uchuku rẹ awọ re urhe na vwọ na, uvie wẹn kọ dia kẹ wẹ nẹ ọke wo vwo segbuyota nẹ odjuvwu ri suẹn.

Daniẹl 4:3

Mavọ oka rọye rho te, mavọ igbunu rọye vwo ẹgba te! Uvie rọye uvie ri bẹdẹ, isuesun rọye herọ nẹ uvwiẹ re te uvwiẹ.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 4:36

Vwẹ ọke yena, iroro mẹ de bru vwẹ rhe; fiki rẹ urinrin rẹ uvie mẹ, ọrho mẹ vẹ erhuvwu mẹ de rhivwi bru vwẹ rhe. Edieguare mẹ vẹ ehọnvwọre mẹ da guọnọ o vwẹ mrẹ, owọ mẹ de rhi muọtọ kokoroko vwẹ evun rẹ uvie mẹ, a da rha vwẹ ọrho buebu efa vwọ ba kẹ vwẹ.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Daniẹl 9:14

Fiki rẹ ọtiọye na, Ọrovwohwo vwọ rhuẹrẹ ukpokpogho na phihọ otọ o de kron nyẹ avwanre kidie Ọrovwohwo Ọghẹnẹ rẹ avwanre ọvwata o ruẹ vwẹ iruo ro ruẹ ejobi, avwanre ji nyo urhuru rọye-e.

Jona 1:14

Etiyin ayen de kperi se Ọrovwohwo, Avwanre rẹ wẹ, E Ọrovwohwo, wo jẹn avwanre ghwẹ fiki rẹ ohwo nana-a, wo mu oghwa rẹ ọbara rẹ ekun nana nyẹ avwanre-e; Kidie wọwe, E Ọrovwohwo ri ru obo ri je we.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Iyẹnrẹ Esiri ri Luk 1:33

Kọ re vwẹ enu rẹ uwevwi ri Jekọp bẹdẹ; uvie rọye gbi se vwo oba-a.

Iyẹnrẹ Esiri ri Luk 18:13

Ẹkẹvuọvo omiarhọghọ na, de mudia tephe, o gbi yivwi kpare opharo kpenu-u, ẹkẹvuọvo ọ da vwẹ abọ ghwiẹ udu, tanẹ, Ọghẹnẹ ni arodọvwẹ mẹ oruimwemwu!

Iyẹnrẹ Esiri ri Jọn 5:26

Kidie kirobo rẹ Ọsẹ na vwo arhọ vwẹ oma rọye, ọtiọye ọ je vwẹ arhọ na kẹ oma rọye rhe,

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Ẹvwọphia 10:6

ọ da vwẹ ohwo rọ herọ bẹdẹ bẹdẹ na vwo duvwu iyori, ohwo rọ ma odjuvwu vẹ obo re herọ, akpọ na kugbe obo re herọ, kugbe abadi vẹ obo re herọ, nẹ o rhe vwo ẹdẹ ebro ọfa-a,

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 4:10

ekpako uje gbẹ ẹne na ki she diguẹ vwẹ obaro rẹ ohwo ro tidia vwẹ enu rẹ ekete na kẹ ayen gọ ohwo rọ rhọre bẹdẹ bẹdẹ na; ayen ke kpare erhu rayen phihọ obaro rẹ ekete na, ke so une tanẹ,

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,