Daniẹl 4:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 4:32 ပူးပေါင်းရင်းမြစ်များ

2 Ikun rẹ Ivie 33:13

Ọ da nẹ ẹrhovwo kẹ, Ọghẹnẹ de nyo orẹ rọye kugbe oyare rọye ọ da rhoma reyọ vwo rhe uvie rọye vwi Jerusalẹm. Etiyin Manasse ke riẹn nẹ Ọrovwohwo ọye Ọghẹnẹ.

ỌBE RẸ JOB 42:2

Me riẹnre nẹ wo se ru emu ejobi, o vwo ohwo ro se miovwi obo ru wo ruẹ-ẹ.

ỌBE RẸ JOB 9:12

Nighe, o frẹ reyọ, kono re sa daji? Kono re cha ta kẹ nẹ, Die wo ruẹ?

Une rẹ Ejiro 115:3

Ọghẹnẹ rẹ avwanre ọ hẹ obo odjuvwu, o ruẹ obo ri jere.

Une rẹ Ejiro 135:6

Obo ri jẹ Ọrovwohwo ọye o ruẹ, vwẹ odjuvwu vẹ akpọ na, vwẹ evun re abadi vẹ ikokodo ejobi.

Ẹyano 8:10

Ọ da ta, Odẹ. Mosis da ta, Gbe jọ dia kirobo re wọ tare na, rere wọ vwọ riẹn nẹ ohwo ọvuọvo herọ kerẹ Ọrovwohwo Ọghẹnẹ rẹ avwanre-e.

Ẹyano 9:14

Kidie vwẹ ọke nana me cha vwẹ ọtiekọ mẹ ejobi teyọ udu wẹn, te idibo wẹn, vẹ ihwo wẹn, rere wọ vwọ riẹn nẹ ohwo ọvuọvo rọ họhọ ovwẹ vwẹ otọ rẹ akpọ na herọ-ọ.

Ẹyano 9:29

Mosis da ta kẹ, ọke ri mi de ghwe nẹ orere na nu, ke me bẹrẹ abọ mẹ kẹ Ọrovwohwo: agbrara na kọ daji, osio rẹ imicho na gbe rhọ ọfa-a, rere wọ vwọ riẹn nẹ Ọrovwohwo ri vwo akpọ na.

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Aizaya 40:15

Nighere, irere na họhọ umuku rẹ ame ro suẹn nẹ usiobọ cha e de kere kerẹ iwurhie rọ hẹ enu rẹ uwan, nighere, o di mu ibrotọ na kerẹ iwurhie vworo vworo.

Aizaya 40:17

Ẹgborho na ejobi na fi emu ọvuọvo kẹ-ẹ o roro ayen ejobi havwe nọ emu diodi.

Aizaya 45:3

Ki Mi vwẹ efe re ebri na kẹ wẹ kugbe obo ra ghwẹ koko vwẹ odjahọ ejobi rere wọ vwọ riẹn nẹ Mẹvwẹ ọye, Ọrovwohwo na, Ọghẹnẹ rẹ Izrẹl, ro mu odẹ wẹn se we.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 4:31

Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Joshua 4:24

rere ihwo rẹ akpọ na ejobi vwọ riẹn nẹ obọ rẹ Ọrovwohwo re gan re; rere wọ vwọ sa djẹ oshọ rẹ Ọrovwohwo Ọghẹnẹ rẹ ovwan bẹdẹ.