Daniẹl 4:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 4:31 ပူးပေါင်းရင်းမြစ်များ

Jẹnẹsis 14:18

Melkizẹdẹk ovie ri Salẹm da vwẹ ọkuọka vi wain vwo rhe, ọye orherẹn rẹ Ọghẹnẹ ro Me Kpenu.

ỌBE RẸ JOB 20:23

Rẹ evun rọye vwọ vọn nu Ọghẹnẹ de ji ophu ọtuatua rọye bro rhe, ọ da rhọ kuo kerẹ emuọre.

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Isẹ 29:23

Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

Aizaya 14:27

Kidie Ọrovwohwo rẹ otuofovwi na jẹn iroro nure, kono re sa pha? Obọ rọye riẹn phiare, kono se kpirho kpuko?

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 4:24

Ọnana ọye hẹ otọ rọye, E Ovie. Ọna eghwoghwo rẹ ọ ro Me kpenu ejobi, ọye ri bru ọrovwovwe rẹ ovie rhe na,

Daniẹl 4:26

Kirobo ra vuẹrẹ nẹ o yan jẹ uchuku rẹ awọ re urhe na vwọ na, uvie wẹn kọ dia kẹ wẹ nẹ ọke wo vwo segbuyota nẹ odjuvwu ri suẹn.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Iyẹnrẹ Esiri ri Luk 12:20

Ẹkẹvuọvo Ọghẹnẹ da ta ke, Ekpa! Ason nana a reyọ erhi wẹn mie we; ekuakua re wọ ghwẹ koko na, kono ri vwo ayen?

Iyẹnrẹ Esiri ri Jọn 12:28

Ọsẹ, vwẹ urinrin kẹ odẹ wẹn. Etiyin urhuru ọvo de nẹ odjuvwu rhe, me vwẹ urinrin kẹ nure, me je rhoma vwẹ urinrin kẹ.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

Ẹvwọphia 16:7

Mi de nyo agbada na rọ viẹ E, Ọrovwohwo Ọghẹnẹ Ọrovwoẹgba uyota vẹ ọsoso ọye orhiebro wẹn epha

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.