Daniẹl 4:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Daniẹl 4:27 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

1 Ivie 21:29

Wọ mrẹ obo rẹ Ehab rhe vwẹ oma kẹ vwẹ? Fikiridie ọ vwẹ oma kpotọ kẹ vwẹ me gbe vwẹ umiovwo na rhe vwẹ ọke rọye-e ẹkẹvuọvo ọke rẹ ọmọ rọye ọye me vwọ umiovwo na rhe uwevwi rọye.

Une rẹ Ejiro 119:46

Mi gbe ikun rẹ iseri wẹn vwẹ obaro rẹ ivie, oma gbe rha vo vwẹ-ẹ,

Isẹ 11:2

Oma eyan da rhe nu, oma ẹphọphọ ko ji ghwe nene, ẹkẹvuọvo omaevwokpotọ ọ vẹ aghwanre gba yan.

Isẹ 16:6

Vwẹ oma rẹ esegbuyota vẹ omaevwokpotọ ọye a vwọ sa rhuẹrẹ orukuruku, oshọẹdjẹ rẹ Ọrovwohwo ọye ohwo sa vwọ kẹnẹ oma kẹ umwemwu.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 10:13

Kidie ọ tare nẹ: Ogangan rẹ obọ mẹ mi vwo ruo, kugbe iroro mẹ, kidie mi vwo obọ, mẹ kpare ughwru rẹ ihwo efa, Me da ghwẹ efe rayen reyọ; kerẹ erhuẹn ọshare mi de dje ihwo ri tidia ekete she,

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Aizaya 47:8

Asakiephana gbe nyo Ọnana, wọwẹ rọ guọnọ ojevwe, ro tidia vwẹ egbemọphẹ rọ ta vwẹ udu wẹn, Mẹvwẹ, ohwo ọfa gbi te vwe-e, Mi gbi tidia kerẹ ayeuku-u ayen riẹn ọdavwe re emọ ri ghwru-u.

Jerimaya 29:7

Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Izikiẹl 18:7

o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ,

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Izikiẹl 29:9

otọ rẹ Ijipt ka cha kua fiọtọ ko hirhe phihọ erhurhu. Etiyin ayen ke riẹn nẹ mẹvwẹ Ọrovwohwo. Fikiridie wọ tare, Nile ọ mẹ, mẹvwẹ re marọ,

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Emọs 6:13

Ovwan re ghọghọ vwi Lodeba, re tanẹ, Ọ dia ogangan rẹ avwanre ma vwọ reyọ Karnaim ke oma re avwanre?

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Habakọk 1:11

Etiyin ayen de hwerhe vrẹn kerẹ odju ayen da yan he obaro, ihwo re re abe, rẹ ẹgba rayen hirhe phihọ ọghẹnẹ kẹ ayen.

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iyẹnrẹ Esiri ri Luk 11:41

Ẹkẹvuọvo dia obo evun wẹn de ru ẹse; gbe nighe, emu na ejobi kọ fon kẹ wẹ.

Iruo rẹ Iyinkọn na 24:25

Rọ vwọ phra kpahe ọsoso kugbe oma-ẹnyẹ kugbe ẹdjọeguo rọ cha, Fẹliks de guegue ọ da ta, Yanran tavwe; me da mrẹ uphẹn mi che se we.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 8:22

Kurhẹrie nẹ umwemwu wẹn nana, rere wọ rẹ Ọrovwohwo na, siẹvo vwobọ a cha vwẹ iroro rẹ udu wẹn na vwo ghovwo uwe.

2 Kọrẹnt 5:11

Vwẹ ọtiọye na, ra vwọ riẹn oshọẹdjẹ rẹ Ọrovwohwo na, kẹ avwanre riẹriẹ ihwo; ẹkẹvuọvo obo rẹ avwanre epha Ọghẹnẹ ọvo re riẹnre, mi phiẹrohọ nẹ udu rẹ ovwan je riẹn rhe.

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Ẹfesọs 4:28

E jẹn ohwo ro cho uji jẹ uji vwo, ẹkẹvuọvo e jẹ ọ vwẹ obọ rọye wian, ọ vwẹ abọ rọye ru iruo ro vwo ọghọ, rere ọ mrẹ vwọ kẹ ayen otu rẹ akpọ bẹn.

Urhi Rivẹ 24:13

ọnre da ro otọ nu, wọ Me reyọ emu rọ vwo viẹnwa na rhivwi rhe rere ọ vwọ mrasan vwẹ ewun rọye shevwerhẹ re ọ vwọ nẹ ẹrhovwo kẹ wẹ; kọ dia ọvwata kẹ wẹ vwẹ obaro rẹ Ọrovwohwo rẹ Ọghẹnẹ wẹn na.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

Urhi Rivẹ 8:17

Jomaotọ wọ da rhe ta vwẹ udu wẹn, Ọgangan mẹ vẹ ẹgba rẹ obọ mẹ mi vwo vwo efe nana,

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.