Daniẹl 4:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:22 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

Jẹnẹsis 28:12

O da vwerhẹ evwerhẹ mrẹ ugbaghala ro nẹ otọ re te odjuvwu, o vwo ni emakashe rẹ Ọghẹnẹ ki yere kpotọ kpenu vwọ.

2 Samuẹl 12:7

Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

2 Ikun rẹ Ivie 28:9

Ẹkẹvuọvo ọmraro rẹ Ọrovwohwo ọvo hẹ etiyin, re se odẹ rọye Ọbẹd; ọ da ra vwa unuofowi na rọ ro Sameria, ọ da ta kẹ ayen, Nighe, fiki rẹ obo rẹ Ọrovwohwo, Ọghẹnẹ rẹ esẹ rẹ ovwan, vwo mu ophu kpahe Juda, ọye o vwo phi ayen phihọ obọ rẹ ovwan, ẹkẹvuọvo wa da vwẹ ophu hwe ayen rẹ oviẹ rayen de re te odjuvwu.

Une rẹ Ejiro 108:4

Kidie ẹguọnọ wẹn ro je rhẹrẹ na ọ rho nọ odjuvwu na, uyota wẹn re te obo irharheghe na.

Une rẹ Ejiro 36:5

Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Izikiẹl 17:3

ta, Enẹ Ọrovwohwo Ọghẹne tare Ugo rode vẹ ibekpe rode kugbe ugbunu piọnpiọn, vẹ iphoro jigbri dohwo doka rọye, da rhe Lebanọn rhi fru enu rẹ igẹdu reyọ,

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 4:11

Urhe na da rhe rho gigirigi, enu rọye de duvwu obe irharheghe, kasan kasan vwẹ evun rẹ akpọ na ejobi kọ sa mrẹ.

Daniẹl 4:21

rẹ ẹbe rọye epha yoyovwi rẹ emamọ rọye da rha dia buebu na, rẹ ihwo ejobi da mrẹ emuọre vwẹ enu rọye na, rẹ eranvwe rẹ aghwa ejobi da dia ophie rẹ obotọ rọye, emephran rẹ irharheghe ejobi da dia eghọn rọye.

Daniẹl 4:29

Vwẹ oba rẹ emeranvwe ihwivẹ rhi vwo te, kọ yan vwẹ enu rẹ ighẹn rọye vwi Babilọn,

Daniẹl 4:36

Vwẹ ọke yena, iroro mẹ de bru vwẹ rhe; fiki rẹ urinrin rẹ uvie mẹ, ọrho mẹ vẹ erhuvwu mẹ de rhivwi bru vwẹ rhe. Edieguare mẹ vẹ ehọnvwọre mẹ da guọnọ o vwẹ mrẹ, owọ mẹ de rhi muọtọ kokoroko vwẹ evun rẹ uvie mẹ, a da rha vwẹ ọrho buebu efa vwọ ba kẹ vwẹ.

Matiu 14:4

Fikiridie Jọn sen kẹ nẹ, o fori wọ vwọ reyọ aye rẹ oniọvo wẹ vwọ rọvwọ-ọ.

Ẹvwọphia 18:5

kidie imwemwu rọye kpare kpenu re te odjuvwu, Ọghẹnẹ rhe karohọ orukuruku rọye.