Daniẹl 4:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:19 ပူးပေါင်းရင်းမြစ်များ

Jẹnẹsis 31:35

Ọ da ta kẹ ọsẹ rọye nẹ, Wo jẹ ivun miovwo ọrovwovwe ri mi vwo je vrẹ-ẹn, kidie idjerhe rẹ eya na ra nyẹ vwẹ. Kọye ọ da guọnọ, ẹkẹvuọvo ọ sa mrẹ oma rọ umukpe rọye na-a.

Jẹnẹsis 32:18

Ku wọ ta kẹ nẹ, Erẹ odibo wẹn Jekọp, ena ọko ra phare rhe ọrovwovwe Isọ, okpuyovwi rọye je cha vwẹ obuko.

Jẹnẹsis 40:12

Etiyin Josẹf da ta kẹ, Ọnana otọ rọye: eghọn erha na eye ẹdẹ erha;

1 Ivie 18:7

Rẹ Obadaya vwọ hẹ idjerhe na, nighere Ilaija da rhe vwa, Obadaya de vughe, o de gbe opharo hẹ otọ ọ da ta, Ọna owẹ, ọrovwovwe Ilaija?

Ẹyano 32:32

Ẹkẹvuọvo asakiephana, ọ da dianẹ wo vwo umwemwu rayen vwo ghovwo ayen ọ rha dia ọtiọye-e, gbe phoro uvwe, Me rẹ wẹ, nẹ ọbe wẹ na ru wo siri na.

Jerimaya 29:7

Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 2:26

Ovie na da ta kẹ Daniẹl, re se odẹ rọye Bẹlteshaza, Wọ sa ta evwerhẹ re me vwerhẹre na kẹ vwẹ, re wọ da je sa fan otọ rọye kẹ vwẹ?

Daniẹl 2:37

Wẹ, E Ovie, ọye ovie ro vwo ivie, rẹ Ọghẹnẹ rẹ obo odjuvwu vwẹ uvie na kẹ, te ogangan vẹ ẹgba, kugbe urinrin,

Daniẹl 4:24

Ọnana ọye hẹ otọ rọye, E Ovie. Ọna eghwoghwo rẹ ọ ro Me kpenu ejobi, ọye ri bru ọrovwovwe rẹ ovie rhe na,

Daniẹl 5:12

Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Daniẹl 5:19

Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

1 Samuẹl 1:15

Ẹkẹvuọvo Hanah da kpahe, Ẹjo, ọrovwovwe, Mẹvwẹ aye rẹ ivun dia djọghọ djọghọ; Me da wain siẹvo kẹ udi ọganga-an, ẹkẹvuọvo ọdavwẹ mẹ ọye me ta kẹ Ọrovwohwo.

1 Samuẹl 24:8

Ukuko rọye Devid de vrẹn rhe, o de nẹ evun rẹ ẹmwa na rhe, ọ da kpare unu se Sọl, ọrovwovwe ovie! Ri Sọl vwo ni obuko, Devid de she bọvwọ opharo rhuotọ, ọ da vwarọ.

1 Samuẹl 26:15

Devid da ta kẹ Abner, Wọ dia ọshare? Ono re họhọ owẹ vwẹ Izrẹl na? Kidie sorọ wọ gbe rha rhẹrẹ ọrovwowe ovie-e? Kidie ohwo ọvo rhere rhi hwe ovie ọrovwowe na.

1 Samuẹl 3:17

Eli da ta, Didi emu ọ ta kẹ wẹ? Wo sionẹ kẹ vwẹ-ẹ. Jẹn Ọghẹnẹ ru ẹtiọye kẹ wẹ ọ rọ rhonọ ọtiọye rhe, ọ da dianẹ wo siobo ro ta kẹ wẹ nu kẹ vwẹ.