Daniẹl 4:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:17 ပူးပေါင်းရင်းမြစ်များ

1 Ivie 21:25

O vwo ohwo ọvuọvo rọ shẹ oma rọye kẹ umiovwo vwẹ obaro rẹ Ọrovwohwo Ehabu-u, rẹ aye rọye Jezibẹl mu vwo ruo.

2 Ikun rẹ Ivie 28:22

Vwẹ ọke rẹ ukpokpogho rọye re o rhe vwo esegbuyota kpahe Ọrovwohwo na-a–Ehaz Ovie nana ọvuọvo na.

Une rẹ Ejiro 103:19

Ọrovwohwo na bọn ekete rọye phihọ obo odjuvwu nure, uvie rọye kọye suẹn ayen ejobi.

Une rẹ Ejiro 12:8

Kẹbẹre kẹbẹre oruimwemwu na rhẹrẹ pẹpẹ, kirobo ra kpare emu ogbegbo kpenu vwe ohri rẹ emọ re ihwo.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Izikiẹl 25:17

Ke me reihri vwẹ obọ rẹ ayen vẹ ivuemiovwo kugbe ophiaphia. Etiyin kẹ ayen riẹn nẹ mẹvwẹ Ọrovwohwo na, vwẹ ọke re me da reihri vwẹ obọ rẹ ayen.

Izikiẹl 7:24

Me vwẹ ihwo re ma bra vwẹ ẹgborho na ejobi rhe reyọ iwevwi rayen, eheri rẹ egba rayen na ejobi ki vwo oba, asan efuanfon rayen ejobi ke gbe ayen ẹgua.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 4:2

Me mrẹ re nẹ oyovwi kẹ vwẹ mi vwo dje eka vẹ igbunu rẹ Ọghẹnẹ ro me kpenu ejobi ru kẹ vwẹ

Daniẹl 4:25

nẹ, a cha djẹ we nẹ ohri rẹ ihwo, wọ vẹ eranvwe rẹ aghwa kọye gba cha dia, ke che ru we vwọ re odi kerẹ erhuẹn, oma wẹ kọ kpọrhọ vẹ irho ro nẹ obo odjuvwu cha, ẹgbukpe ighwrẹ kọ wan wẹn vrẹn bẹsiẹ wọvwọ riẹn nẹ ọ rọ Me Kpenu ejobi ri suẹn uvie rẹ ihwo, nẹ ọ vwọ kẹ ohwo ro jere.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

1 Kọrẹnt 1:28

Ọghẹnẹ jẹ otu ri kpotọ kugbe otu ra jẹfia vwẹ akpọ na reyọ, obo re herọ dede-e, rere o vwo hirhe obo re herọ dẹn na vwọ hẹ emu diodi,

1 Timoti 5:21

Me vuẹ wẹ vwẹ irharo rẹ Ọghẹnẹ kugbe Kristi Jesu vẹ emakashe rọ sanọ reyọ nẹ, wo mi rhie evun phẹphẹ ru iruo na, wọ ghwẹ oma hẹ ahọvo jẹ ọvo vwo-o.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

1 Samuẹl 2:8

Ọ kpare ovwiogbere nẹ iwurhie ọ kpare ọ rẹ akpọ bẹn kpenu nẹ evun rẹ erhurhu, rere ayen vẹ isun tidia kugbe rere ayen reuku rẹ ọghọ. Kidie ichivwo rẹ akpọ na ọ rẹ Ọrovwohwo, enu rẹ ayen o mu akpọ na vi.