Daniẹl 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ O de kperi gangan tanẹ, She urhe na teye otọ re wọ nyavwe eghọn rọye kufia, hrọre ẹbe rọye nu, re wọ je hra emamọ rọye, jẹn eranvwe na djẹ nẹ otọ rọye, re ephran na rhan nẹ eghọn rọye.

Daniẹl 4:14 ပူးပေါင်းရင်းမြစ်များ

ỌBE RẸ JOB 24:20

Ayen chọrọ ẹro vwẹ esuada rẹ orere na, a rha karophihọ odẹ rayen ọfa-a, eriyin umwemwu vwirhẹn kerẹ urhe.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Jerimaya 51:9

Mane mie sivwi Babilọn, ẹkẹvuọvo esivwiro-o. Siọn, rere wo jẹn avwanre dohwo dorere rọye yanran; kidie orhiẹn rọye te odjuvwu re a kpaerọ kpo irharheghe nure.

Izikiẹl 31:10

Fiki rẹ ọtiọye na enẹ Ọrovwohwo Ọghẹnẹ tare: Fikiridie o tan kpenu nẹghẹ nẹghẹ rẹ obenu rọye de re duvwu irharheghe rẹ obenu na, udu rọye kọ vwẹ ugrogro rọye na yan eyan,

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 3:4

Etiyin aghwoghwo na da van ghwoghwo tanẹ, E ihwo, ẹgborho, kugbe ephẹrẹ, e jẹn ovwan riẹn,

Daniẹl 4:12

Ẹbe rọye pha yoyovwi, emamọ rọye buebu gbidi, kẹ emuọre vwọ kẹ ihwo ejobi. Eranvwe rẹ aghwa na kẹ otọ rẹ ophie rọye e dia, eghọn rọye kọye emephran rẹ irharheghe dia, oma rọye kọye ihwo ejobi da ria.

Daniẹl 4:23

Rẹ ovie rha rhe vwọ mrẹ ọrhẹrotọ, ohwo ọfuanfon ro nẹ obo odjuvwu cha, rọ tanẹ, she urhe na teye otọ re wọ rha guọghọ, ẹkẹvuọvo yan jẹ uchuku rẹ awọ rọye vwo vwẹ evun rẹ otọ na, wọ rha vwẹ ọghrọrọ rẹ utehru vẹ ẹrovwo vwọ gba, vwẹ evun rẹ odi ebọba rẹ aghwa na, wọ rhe jẹn irho rẹ odjuvwu rho kuo, wọ rha ghare ẹkẹn rọye vẹ eranvwe re ria vwẹ aghwa kugbe; bẹsiẹ rẹ ẹgbukpe ighwrẹ vwọ wan vrẹn.

Daniẹl 4:29

Vwẹ oba rẹ emeranvwe ihwivẹ rhi vwo te, kọ yan vwẹ enu rẹ ighẹn rọye vwi Babilọn,

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Matiu 3:10

Asakiephana ushurhe ọ hẹ otọ rẹ irhe na re, urhe rọ gbe mọ emamọ esiri-i, ke she vwo mu erhanre.

Matiu 7:19

Urhe kurhe rọ mọ emamọ esiri-i, ke she vwo mu erhanre.

Iyẹnrẹ Esiri ri Luk 3:9

Asakiephana ushurhe ọ hẹ otọ rẹ irhe na re; urhe kurhe rọ gbe mọ emamọ esiri-i ke she teye otọ ke muo phihọ erhanre.

Ẹvwọphia 10:3

ọ da van, urhuru rọye da họhọ okpohrokpo ro do; ọke ro vwo se, agbrara ighwrẹ na da van.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;