Daniẹl 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Etiyin ihwo ri Kaldia evo da rhe obaro rhe vwẹ ihwighwu gborho ihwo ri Ju na.

Daniẹl 3:8 ပူးပေါင်းရင်းမြစ်များ

Ẹsta 3:6

Ẹkẹvuọvo ọ gbi guọnọ nọ ọye yọnre Modekai ọvo-o. Ọtiọye na re vwo dje ihwo ri Modekai kẹ nu re na, Haman kọ guọnọ guọghọ ihwo ri Ju ejobi, ihwo ri Modekai re hẹ uvie rẹ Ahasuerus na ejobi.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 2:10

Ihwo ri Kaldia na da kpahe ke ovie na, O vwo ohwo ọvuọvo vwẹ akpọ na ro se ru obo rẹ ovie na nọre na-a, kidie a je mrẹ ovie rode ro vwo ogangan rọ nọ ekpẹn rẹ emu ọtiọnana vwẹ obọ rẹ egbẹnẹkẹ, eyẹ idjene, eyẹ eboepha, eyẹ, erienda rọye devọ-ọ.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 3:7

Fiki rẹ ọtiọye na rẹ ihwo na ghwe vwo nyo edo rẹ owanre, akpata, isorogun, urephe vẹ oka rẹ ihwohworo ejobi, ihwo ejobi, ẹgborho, vẹ ephẹrẹ de shiguẹ ayen da ga edjọ rẹ oro rẹ Ovie Nebukadreza vwo vi na.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Daniẹl 6:4

Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Iruo rẹ Iyinkọn na 28:22

Ẹkẹvuọvo avwanre guọnọ nyo mie we obo ru wo rori, kidie vwọ kpahe ota rẹ ẹko na asan ejobi ọye a da ta ota kpahọ.