Daniẹl 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin aghwoghwo na da van ghwoghwo tanẹ, E ihwo, ẹgborho, kugbe ephẹrẹ, e jẹn ovwan riẹn,

Daniẹl 3:4 ပူးပေါင်းရင်းမြစ်များ

Ẹsta 8:9

E de se isiẹbe rẹ ovie na koko vwẹ ọke yena, vwẹ emeranvwe rerha, ọye emeranvwe ri Sivan, vwẹ ẹdẹ uje gbẹ erha; e de si urhi na kirobo ri Modekai tare ejobi vwọ kpahe ihwo ri Ju na vwo rhe ehọnvwọre rẹ ovie, vẹ isun kugbe emo rẹ ivie rẹ ubrakpọ na nẹ India re te Ẹtiopia, ubrakpọ ujosan gbẹ ighwrẹn, ubrakpọ ọvuọvọ vẹ isiesi rọye kuohwo kuephẹrẹ rọye, e de ji vwo rhe ihwo ri Ju vwẹ ephẹrẹ rayen.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Daniẹl 3:10

Wẹ, E Ovie ri ji urhi tanẹ kohwo kohwo ro nyo edo rẹ owanre, akpata, isorogun, urephe vẹ ihwehworo ejobi, o mi shiguẹ rọ ga ẹdjọ re oro na;

Daniẹl 3:3

Etiyin ehọnvwọre na, inotu na, isun na, ediẹguare na, eyọnrigho na, iguẹdjọ na, kugbe ihwo ri suẹn vwẹ unuakpọ na ejobi de koko vwẹ asan rẹ ovie Nebukadreza da cha vwẹ ẹdjọ ro mare na phia; ayen de mudia vwẹ obaro rẹ ẹdjọ ri Nebukadreza vwo vi na.

Daniẹl 3:7

Fiki rẹ ọtiọye na rẹ ihwo na ghwe vwo nyo edo rẹ owanre, akpata, isorogun, urephe vẹ oka rẹ ihwohworo ejobi, ihwo ejobi, ẹgborho, vẹ ephẹrẹ de shiguẹ ayen da ga edjọ rẹ oro rẹ Ovie Nebukadreza vwo vi na.

Daniẹl 4:1

Onana ovuẹ rẹ ovie Nebukadreza vwo rhe ihwo ejobi, ẹgborho ejobi, vẹ ephẹrẹ ejobi, re dia otọ rẹ akpọ na ejobi: ufuoma bu phihọ kẹ ovwan!

Daniẹl 4:14

O de kperi gangan tanẹ, She urhe na teye otọ re wọ nyavwe eghọn rọye kufia, hrọre ẹbe rọye nu, re wọ je hra emamọ rọye, jẹn eranvwe na djẹ nẹ otọ rọye, re ephran na rhan nẹ eghọn rọye.

Daniẹl 6:25

Etiyin Ovie na, Dariọs de si ọbe rhe ihwo na ejobi, ẹgborho, vẹ ephẹrẹ re dia otọ rẹ akpọ na ejobi, E jẹn ufuoma bu phihọ kẹ ovwan.

Hosia 5:11

E shenyẹ Ifrem, a guọgherọ vwẹ ẹdjeguo, fikiridie emu gheghe ọ guọnọ nene.

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,