Daniẹl 3:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 3:29 ပူးပေါင်းရင်းမြစ်များ

Ivie rẹ Ivẹ 10:27

Ayen de kporo osunsun ri Baal, ayen de rhe kporo uwevwi ri Baal te otọ, ayen de vwo ru erhurhu rhi te ẹdẹ ri nonẹ na.

Ezra 6:11

Me je rhoma ji urhi nẹ kohwo kohwo de ku urhi nana rhẹriẹ, ke yoro ugbere nẹ uwevwi rọye, ka gba ohwo na mu ọkpọ, uwevwi rẹ ohwo na ke vwo ru erhurhu.

Une rẹ Ejiro 3:8

Esivwo ọ rẹ Ọrovwohwo; ebruba wẹn dia enu rẹ ihwo wẹn!

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Daniẹl 1:19

Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na.

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 2:17

Etiyin Daniẹl de kpo obo uwevwi ọ da ra nẹ iyẹnrẹn rẹ ota na kẹ Hananaya, Mishẹl vẹ Azaraya, irivẹ rọye.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Daniẹl 2:49

Daniẹl da nọ vwẹ obọ rẹ ovie na, ọ da vwẹ ẹdia kẹ Shadrak, Mẹshak vẹ Abẹdnigo nẹ ayen vwẹ ẹro te iruo rẹ ubrakpọ ri Babilọn, ẹkẹvuọvo Daniẹl da rha daji obo ọguan rẹ ovie na.

Daniẹl 2:5

Ovie na da kpahe kẹ ihwo ri Kaldia, Ota ro nẹ obọ mẹ rhe muero: wa gbe rha fan otọ rẹ evwerhẹ na kẹ vwẹ-ẹ, ka cha sanvwe abọ vẹ awọ nẹ ovwan oma, uwevwi rẹ ovwan ka je guọghọ ayen te otọ.

Daniẹl 3:12

Ihwo ri Ju evo herọ, ru wọ vwo mu nẹ isun ubrakpọ ri Babilọn: Shadrak, Mashak vẹ Abẹdnigo. Eshare nana E ovie, e davwe erhọn wẹ-ẹ, ayen ga ẹdjọ wẹ-ẹn, ayen ga oma wẹn na eyẹ ayen diguẹ kẹ ẹdjọ rẹ oro ru wọ mu vi na-a?

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Daniẹl 6:28

Ọtiọye o de yovwi kẹ Daniẹl vwẹ ọke ri Dariọs vwọ suẹn kugbe ọke rẹ isuesun ri Sairọs ohwo ri Pẹsha.

Urhi Rivẹ 32:31

Kidie oragha rayen họhọ Oragha rẹ avwanre-e, owenẹ ivwighrẹ rẹ avwanre dia ibrorhiẹ dede.