Daniẹl 3:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Daniẹl 3:28 ပူးပေါင်းရင်းမြစ်များ

Jẹnẹsis 9:26

Ọ da je ta, Ọrovwohwo rẹ Ọghẹnẹ mẹ bruba kẹ Shẹm, gbe ji Kenan dia ọviẹn rọye.

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

Ezra 1:3

Kono vwẹ usun rẹ ovwan na vwẹ evun rẹ ihwo rọye na, e jẹn Ọghẹnẹ rọye nene dia, gbe jo kpo obi Jerusalẹm ri Juda, rere ọ rhoma bọn uwevwi rẹ Ọrovwohwo Ọghẹnẹ rẹ Izrẹl rọye. Ọghẹnẹ ro hẹ evun ri Jerusalẹm

Ezra 6:11

Me je rhoma ji urhi nẹ kohwo kohwo de ku urhi nana rhẹriẹ, ke yoro ugbere nẹ uwevwi rọye, ka gba ohwo na mu ọkpọ, uwevwi rẹ ohwo na ke vwo ru erhurhu.

Une rẹ Ejiro 103:20

Bruphihọ kẹ Ọrovwohwo, E ovwan emakashe rọye, ovwan egba rọye ri ruẹ obọ re ota rọye tare, ri nyo urhuru rẹ ota rọye!

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Une rẹ Ejiro 33:18

Nighere, ẹro rẹ Ọrovwohwo ọ hẹ enu rẹ ayen otu re djẹ oshọ rọye, ọ hẹ enu re ayen otu re vwẹ ẹro so ẹguọnọ rọye rọ rhẹriẹ-ẹ na.

Une rẹ Ejiro 33:21

E, udu rẹ avwanre ghọghọ vwẹ oma rọye, kidie avwanre vwẹ ẹro so odẹ ọfuanfon rọye.

Une rẹ Ejiro 34:22

Ọrovwohwo sa tan arhọ rẹ idibo rọye; ohwo ọvuọvo ro si oma nu vwẹ evun rọye re che bru hwe herọ-ọ.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Daniẹl 3:25

Ọ da kpahe, Ẹkẹvuọvo me mrẹ eshare ẹne ra rhan ufi nu re yan vwẹ evun rẹ erhanre na, erhanre na torhẹ aye-en, oma rẹ ohwo rẹ ẹne na da họhọ ọmọ rẹ eghẹnẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 6:16

Etiyin ovie na de ji urhi a da ghene reyọ Daniẹl rhe ayen de muo teye unu rẹ ikpohrokpo. Ovie na da ta kẹ Daniẹl, E jẹn Ọghẹnẹ wẹn ru wọ ga ọke ejobi sivwi uwe.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

Iruo rẹ Iyinkọn na 5:19

Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ,

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

1 Kọrẹnt 13:3

Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Hibru 11:37

A vwẹ ukpokpo phi evo, a vwẹ isara bẹrẹ evo ẹbẹre ivẹ, a vwẹ ọlọkọ nyavwe evo hwe; evo vwẹ ophiẹn rẹ ẹvwe vẹ ogegede rhuo yan, ẹnsọn, ukpokpogho, a vwẹ oja re ayen–,

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.