Daniẹl 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Nẹ wa sa fan otọ rẹ evwerhe na kẹ vwẹ-ẹ, ota ọvuọvo kpoi kọye me ta kẹ ovwan, wa rhọvwe kugbe nẹ wa vwọrọn efian kugbe eta imiomiovwi vwẹ obaro mẹ bẹsiẹ rẹ ọke na vwọ rherie. Fiki rẹ ọtiọye na wa gba ta evwerhẹ na kẹ vwẹ, ke me riẹn nẹ ovwan sa fan otọ rọye.

Daniẹl 2:9 ပူးပေါင်းရင်းမြစ်များ

1 Ivie 22:22

Ọrovwohwo da ta kẹ, Didi idjerhe? Ọ da ta, Me ra, rere me ra dia erhi rẹ efian vwẹ unu rẹ emraro rọye ejobi. ọ da ta, Wọ ra ra phiẹn, ku wọ kparobọ; yanran wo re ru ọtiọye.

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Ẹsta 4:11

Idibo rẹ ovie vẹ ihwo ejobi re hẹ ubrakpọ rẹ otọ rẹ ovie riẹnre nẹ ọshare yere aye de bru ovie kpo ọguan rọ hẹ obo uvun na jẹ e sere-e, urhi ọvuọvo kọye herọ kẹ, ihwo ejobi o vwo ọvo ro nuro-o ke hwe ayen, jokpa rẹ ohwo rẹ ovie yọnre ọkpọ rẹ ọro na kẹ ọye ọvo re rhọ. Yẹ e ji se vwe nẹ me rhe mrẹ ovie ẹdẹ ọgban nana-a.

Isẹ 12:19

Ugbunu rọ ta uyota cha dia bẹdẹ, ẹkẹvuọvo ẹrẹnvwe rọ vwọrọn efian ọmọke krẹn ọye ọ dia.

Aizaya 41:23

Ta kẹ avwanre obo re cha phia vwẹ ẹdẹfa, re avwanre riẹn nẹ wẹ ghinẹ ẹdjọ; ru ọresiri eyẹ ru ọromioma, rere ofu dje avwanre re oshọ mu avwanre.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Izikiẹl 13:17

Ji te owẹ, ọmọ rẹ ohwo, tọn opharo wẹn vi kpahe emetẹ rẹ ihwo wẹn, re mraro nẹ udu rẹ obọ rayen cha na, mraro vwọso ayen

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Izikiẹl 13:6

Ayen vwọrọ efian ayen bọn epha rẹ efian; ayen tare, Ọtiọye Ọrovwohwo tare, dede na yi mi ji aye-en ye ayen phiẹrohọ nẹ o ru ota ayen gba.

Daniẹl 2:16

Etiyin Daniẹl yanran ọ da ra rẹ ovie na nẹ ọ vwẹ ọke kẹ ọye, rere ọ sa fan otọ rọye kẹ ovie na.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 2:8

Etiyin ovie da kpahe ọ da ta, Me riẹnre nẹ ovwan di ruẹ ọke na gro, kidie wa mrẹre nẹ ota ro nẹ obọ mẹ rhe muẹro.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Daniẹl 5:31

Dariọs ohwo ri Mid da reyọ uvie na, ohwo rẹ oma rẹ ẹgbukpe ujorha gbe ivẹ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.