Daniẹl 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ovie na da kpahe kẹ ihwo ri Kaldia, Ota ro nẹ obọ mẹ rhe muero: wa gbe rha fan otọ rẹ evwerhẹ na kẹ vwẹ-ẹ, ka cha sanvwe abọ vẹ awọ nẹ ovwan oma, uwevwi rẹ ovwan ka je guọghọ ayen te otọ.

Daniẹl 2:5 ပူးပေါင်းရင်းမြစ်များ

Ivie rẹ Ivẹ 10:27

Ayen de kporo osunsun ri Baal, ayen de rhe kporo uwevwi ri Baal te otọ, ayen de vwo ru erhurhu rhi te ẹdẹ ri nonẹ na.

Ezra 6:11

Me je rhoma ji urhi nẹ kohwo kohwo de ku urhi nana rhẹriẹ, ke yoro ugbere nẹ uwevwi rọye, ka gba ohwo na mu ọkpọ, uwevwi rẹ ohwo na ke vwo ru erhurhu.

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Une rẹ Ejiro 58:7

Jẹn ayen ranvwiẹn kerẹ ame rọ djẹ yanran; kerẹ odi jẹn e chiyi ayen wan ri vwioro kufia.

Daniẹl 2:12

Fiki rẹ ọnana ophu de mu ovie na ivun de ghwie mamọ etiyin ọ da tanẹ ehwe evwaghwanre ri Babilọn ejobi rẹ.

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 4:9

E Belteshaza onotu rẹ evwaghwanre na, fikiridie me riẹnre nẹ erhi rẹ eghẹnẹ efuanfon hẹ evun wẹn o rhe vwo emuigbunu ọvo rọ sa bẹn kẹ wẹ-ẹ, ọna evwerhẹ re me vwerhẹre na; fan otọ rọye kẹ vwẹ.

Urhi Rivẹ 13:16

Ghwẹ emu rọye koko uherevie wọ torhẹ ayen vẹ orere na, je torhẹ emu rọ herọ ejobi kẹ Ọrovwohwo Ọghẹnẹ wẹn na; ko dia erhurhu bẹdẹ; a gbe bọn ọfa-a.

Joshua 6:26

Joshua de duvwu iyori kẹ ihwo na ejobi vwẹ ọke yena, tanẹ, Ekan kẹ kohwo kohwo vwẹ obaro rẹ Ọrovwohwo ro vrẹnri nẹ ọye ra bọn orere na, Jeriko ọmọkpako roye kọye o hwe vwo mu uchivwo rọye vi. Ubrevwiẹ rọye kọye o rhe hwe vwọ ghwẹ edọvi phihọ anurhoro rọye.

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.