Daniẹl 2:46 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁶ Etiyin ovie na Nebukadreza, de she bọvwọ opharo rhuotọ, o da vware Daniẹl, ọ da ta nẹ a reyọ izobo vẹ insens vwo ze kẹ.

Daniẹl 2:46 ပူးပေါင်းရင်းမြစ်များ

Ezra 6:10

Rere ayen vwo ze izobo ro yovwiri kẹ Ọghẹnẹ rẹ odjuvwu, rere ayen nẹ ẹrhovwo vwọ kẹ ovie vẹ emọ rọye.

Daniẹl 3:5

nẹ ovwan de nyo edo rẹ owanre, akpata, isorogun, urephe, koka koka rẹ ihwehworo ejobi, we mi shiguẹ re wa ga ẹdjọ re oro ri Nebukadreza vwo vi na;

Daniẹl 3:7

Fiki rẹ ọtiọye na rẹ ihwo na ghwe vwo nyo edo rẹ owanre, akpata, isorogun, urephe vẹ oka rẹ ihwohworo ejobi, ihwo ejobi, ẹgborho, vẹ ephẹrẹ de shiguẹ ayen da ga edjọ rẹ oro rẹ Ovie Nebukadreza vwo vi na.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Iyẹnrẹ Esiri ri Luk 17:16

o de she bọvwọn opharo rhuotọ vwẹ awọ ri Jesu, rọ kpẹvwẹ. Asakiephana ohwo na kẹ ohwo ri Sameria.

Iruo rẹ Iyinkọn na 10:25

Ọke rẹ Pita vwọ ro uwevwi nu, Kọniliọs de diguẹ te otọ kẹ ọ da gọ.

Iruo rẹ Iyinkọn na 14:13

Orherẹn ri Zeus rẹ uwevwi rẹ ẹdjọ rọye ghwa hẹ ughere rẹ orere na de mu irhuẹn vẹ ẹvwe rhe ughere na rere ọ vẹ ihwo na vwo gọ.

Iruo rẹ Iyinkọn na 28:6

Ayen ke hẹrhẹ vẹ iphiẹrohọ nẹ ọ cha vwọ eyẹ o che muẹ she kpregede ro de ghwu, ẹkẹvuọvo re ayen rha vwọ hẹrhẹ kreki jẹ emu ọvuọvo phia kẹ-ẹ, ayen de ku iroro rhẹriẹ ayen da ta nẹ ẹdjọ o ruẹ.

Ẹvwọphia 11:16

Ekpako uje gbẹ ẹne na ri tidia vwẹ ekete rayen vwẹ obaro rẹ Ọghẹnẹ na de she bọvwọn epharo rhuotọ ayen da gọ Ọghẹnẹ,

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Ẹvwọphia 22:8

Mẹvwẹ ri Jọn hẹ ohwo ro nyori rọ je mrẹ imu nana. Ọke ri mi vwo nyo re me vwọ mrẹ ayen, mi de she diguẹ me da gọ vwẹ asan awọ rẹ amakashe rọ vwẹ ayen nẹ vwẹ na;