Daniẹl 2:45 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁵ kirobo wọ mrẹre nẹ e bru oragha ọvo nẹ ugbenu ọvo rhe jo dia obọ rẹ ohwo rẹ akpọ ruro-o, ọ da guọghọ utehru na ibribro, ẹrovwo, ọphiẹn, idọnọ ofuanfon vẹ oro na. Ọghẹnẹ rọ rhọro vwẹ obo re cha phia vwẹ obaro nẹ ovie nure. Evwerhẹ na muẹro, otọ rọye efan ji muẹro.

Daniẹl 2:45 ပူးပေါင်းရင်းမြစ်များ

Jẹnẹsis 41:26

Irhuẹn ighwrẹ ri yoyovwi na eye ikpe ighwrẹ, eduru rẹ eka ighwrẹ ri yoyovwi na eye jẹ ikpe ighwrẹ; evwerhẹ na ọvuọvo

Jẹnẹsis 41:28

Ọ pha kirobo re Me ta ki Fero na, Ọghẹnẹ rhe vwọ phia ki Fero obo ro che ru.

Jẹnẹsis 41:32

Evwerhẹ na rẹ ọhwọhwọ ivẹ na dje phia nẹ Ọghẹnẹ bru ẹdẹ na nure, Ọghẹnẹ kọ cha vwọ phia nanana.

2 Samuẹl 7:22

Fiki rẹ ọtiọye na Wọ rhọrọ E Ọrovwohwo Ọghẹnẹ; ohwo rọ họhọ owẹ herọ-ọ, Ọghẹnẹ ọfa herọ wan wẹ-ẹn, kirobo ma vwẹ erhọn nyo.

1 Ikun rẹ Ivie 16:25

Kidie Ọrovwohwo rhoro, ohwo re jiri rhuarho e je lo vẹ udidi nẹ edjọ ejobi.

Nehemaya 4:14

Mi de ni, mi de vrẹn, me da ta ke ehọnvwọre iruiruo kugbe ihwo ri chekọ na ejobi, wa djẹ oshọ re aye-en. Karohọ Ọrovwohwo na, rọ rhoro rọ muoshọ, rere wa họnre kẹ imoni, emọ wẹn, emetẹ wẹn, eya wẹn kugbe uwevwi wẹn.

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

ỌBE RẸ JOB 36:26

Nighe, Ọghẹnẹ rhoro, yẹ avwanre riẹnre-e; asan riẹn unu rẹ ẹgbukpe rọye-e;

Une rẹ Ejiro 135:5

Kidie me riẹnre nẹ Ọrovwohwo rhoro, nẹ Ọrovwohwo rẹ avwanre na rhonọ ẹdjọ ejobi.

Une rẹ Ejiro 145:3

Orhuarho ọye Ọrovwohwo, o te ohwo re jiri rhuarho, orhuarho rọye a sa hiẹ mrẹ-ẹ,

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Une rẹ Ejiro 48:1

Ọrovwohwo rhoro ọye ohwo re jiri gangan vwe evun re orere rẹ Ọghẹnẹ rẹ avwanre!

Une rẹ Ejiro 96:4

Kidie Ọrovwohwo pha rhuarho, ke ji jiro rhuarho; a dje oshọ rọye nọ ẹdjọ ri chekọ na ejobi

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Daniẹl 2:24

Ọtiọye na Daniẹl de bru Ariọk ra, ohwo rẹ ovie vwo mu nẹ ọ guọghọ evwaghwanre ri Babilọn na; ọ yanran ọ da ra ta ọtiọna kẹ, wo hwe evwaghwanre ri Babilọni-i, reyọ ovwẹ rhe ovie na, rere me ra fan otọ rẹ evwerhẹ rọye na vwọ kẹ.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Daniẹl 2:29

Vwọ kẹ wẹ E ovie, ọke wo vwọ shevwerhẹ ehwa, iroro rẹ obo re cha phia vwẹ ẹdẹfa de bru we rhe, ohwo rọ vwẹ otọ rẹ emuigbunu phia na da vwẹ obọ re cha phia vwẹ obaro nẹ wẹ.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 21:24

Jesu da kpahe ọ da ta kẹ ayen nẹ, Me je nọ ovwan enanọ ọvo tavwe, ovwan da sa kpahọ kẹ vwẹ, Ke me je ta ogangan ri mi vwo ruẹ imu nana kẹ ovwan.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Luk 17:20

Rẹ Farisi vwọ nọ nẹ ọkevọ uvie rẹ Ọghẹnẹ vwọ rhe, ọ da kpahe kẹ ayen, Uvie rẹ Ọghẹnẹ na cha rhe vẹ oka re che se vughee;

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 19:17

Etiyin me da mrẹ amakashe ro mudia vwẹ evun rẹ ọnre, o de ghwoghwo kẹ emephran re hẹ obenu ejobi re rhan vwẹ irharheghe, Yanrhe, we rhi bi koko udoemu rẹ Ọghẹnẹ na,

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.