Daniẹl 2:44 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁴ Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 2:44 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Aizaya 60:12

Kidie ẹgborho na vẹ uvie na re ga we-e na ke ghwọrọ kufia, ẹgbọrho yena ke ghwọrọ kufia tototo.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Daniẹl 2:34

Wo vwo no re, e de bru oragha ọvo nẹ asa ọvo rhe, ọ dia ohwo rẹ akpọ ri ruro-o, o de re she teye awọ rẹ oma na ra vwẹ utehru vẹ ọphiẹn ma na, ọ da guọghọ ayen ibribro,

Daniẹl 2:35

etiyin te utehru na, ọphiẹn na, ẹrovwo na, idọnọ ọfuanfọn vẹ oro na, ayen ejobi de vwirhi ibribro, etiyin e da rhe dia kerẹ ivwuvwu ri tue kuotọ vwẹ okeuvo, etiyin odju de dju ayen kufia, a gbe mrẹ ivwuvwu rayen ọfa-a. Ẹkẹvuọvo oragha ro she teye oma na de rhi hirhe phihọ ugbenu rode ọ da rhe vọn otọ na ejobi.

Daniẹl 2:37

Wẹ, E Ovie, ọye ovie ro vwo ivie, rẹ Ọghẹnẹ rẹ obo odjuvwu vwẹ uvie na kẹ, te ogangan vẹ ẹgba, kugbe urinrin,

Daniẹl 2:43

Ọtiọbo wọ mrẹre nẹ a vwẹ utehru gua ọphiẹn na, ọtiọye ayen che ku oma kugbe ohwohwo vwẹ orọvwe, ẹkẹvuọvo ayen cha sa tan kugbe-e, kirobo rẹ utehru vẹ ọphiẹn se kugbe-e na.

Daniẹl 4:3

Mavọ oka rọye rho te, mavọ igbunu rọye vwo ẹgba te! Uvie rọye uvie ri bẹdẹ, isuesun rọye herọ nẹ uvwiẹ re te uvwiẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Jọn 12:34

Otu na da kpahe kẹ, Avwanre nyori vwẹ evun rẹ urhi na nẹ Kristi dia bẹdẹ. Komavọ wọ rha vwọ ta nẹ a cha kpare Ọmọ rẹ ohwo kpenu?

Hibru 12:28

Vwẹ ọtiọye na e gbe jẹn avwanre kpẹvwẹ rẹ avwanre vwo vwo uvie ro je kpogho, kẹ avwanre ga omamọ rẹ egagọ ro fo ẹreyọ kẹ Ọghẹnẹ, vẹ etete kugbe udidi; kidie Ọghẹnẹ rẹ avwanre na hẹ erhanre rọ ghwọrọ.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 2:27

kọ vwẹ ọkpọ rẹ utehru sun ayen, kirobo rẹ ochẹ ghwe ibribro, mrẹmrẹ kirobo rẹ okpuyovwi mẹ je reyọ ogangan mie Ọsẹ mẹ rhe;