Daniẹl 2:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Kirobo wọ mrẹ awọ na vẹ irhiawọ na abọvo ọphiẹn abọvo utehru na, uvie na ko cha ghare oma, ẹkẹvuọvo ẹgan rẹ utehru evo kọ cha dia evun rọye, kirobọ wọ mrẹ nẹ a gua utehru vẹ ọphiẹn kugbe na.

Daniẹl 2:41 ပူးပေါင်းရင်းမြစ်များ

Daniẹl 2:40

Uvie rẹne je cha, gangan kerẹ utehru fikiridie utehru kporo ọ me rha guọghọ emu ejobi yẹyẹghẹ, kirobo rẹ utehru guọghọ emu yẹyẹghẹ, ọtiọye o che hwe, o me rha guọghọ enana ejobi.

Daniẹl 2:42

Kirobo rẹ irhiawọ vẹ awọ na dia abọvọ utehru abọvo ọphiẹn na, ọtiọye uvie na je cha dia, ẹbẹre ọvo ganre, ẹbẹre ọvo ghwẹ.

Daniẹl 7:24

Vwọ kẹ ighoro ihwe na, vwẹ evun rẹ uvie nana ivie ihwe efa ji che no cha, ọ da wan ayen nu ọfa je cha phia; ọ cha fẹnẹ e rẹsosuọ na, kọ cha guọghọ ivie erha te otọ.

Daniẹl 7:7

Ọnana vwọ wan nu me da mrẹ vwẹ evun rẹ emramrẹ vwẹ ason na, nighe, eranvwe rẹ ẹne, omuoshọ ọdjoma ọ jẹ vọn vẹ ogangan, o ji vwo ako rẹ utehru ride; ọ ria o vwirhẹ ibribro ọ da vwẹ awọ chivwi eravwe ri chekọ muotọ. Ọ da fẹnẹ eranvwe ejobi re ka obaro kẹ; ighoro ihwe yi rhere.

Ẹvwọphia 12:3

Oka ọfa da rha phia vwẹ odjuvwu; nighe, Okpodje ọvwara wei, ọ vẹ iyovwi ighwrẹ kugbe ighoro ihwe, kugbe ibiekpẹn ri lo wrowro ighwrẹ re hẹ uyovwi rọye.

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.

Ẹvwọphia 17:12

Ighoro ihwe ru wọ mrẹre na eye hẹ ivie ihwe, ra je vwẹ ogangan rẹ ovie kẹ-ẹ, ẹkẹvuọvo a vwẹ ogangan rẹ ivie kẹ ayen unọke ọvo, ji kugbe eranvwe na.