Daniẹl 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin ihwo ri Kaldia na da ta kẹ ovie na, E Ovie wọ dia bẹdẹ! Ta evwerhẹ na kẹ idibo wẹn, kẹ avwanre djẹ otọ rọye vwọ kẹ wẹ.

Daniẹl 2:4 ပူးပေါင်းရင်းမြစ်များ

Jẹnẹsis 31:47

Laban de se Jegarsahadutha. ẹkẹvuọvo Jekọp de rhe se Galeed.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

1 Ivie 1:25

Kidie nonẹ na ọ yanran, ọ da vwẹ erhuẹn ọshare, eranvwe vẹ ivwri, igodẹ buebu vwo ze izobo, ode se emọ rẹ ovie ejobi, Joab rẹ onotu rẹ ofovwi, kugbe Abiata rẹ orherẹn na; nighe ayen ra ria ayen ra da vwẹ obaro rọye, tanẹ, E jẹn Adonija Ovie tọn.

1 Ivie 1:31

Etiyin Batsheba de diguẹ bọvwọn opharo rhuotọ, ọ da vware ovie, ọ da ta jẹn ọrovwovwe Ovie Devid tọn bẹdẹ.

Ivie rẹ Ivẹ 18:26

Kọye Elayakim ọmọ ri Hilkaya, vẹ Shebna kugbe Joa da ta kẹ Rabsheke, Biko, ta kẹ idibo wẹn vwẹ ephẹrẹ rẹ Aramea, kidie avwanre nyo, wọ vwẹ ephẹrẹ ri Juda ta kẹ avwanre-e ihwo rẹ asan igbẹhẹ na de nyo.

Ezra 4:7

Vwẹ evun re ọke rẹ Artaxserxes, Bishlam kugbe Mitredat kugbe Tabeel kugbe irivẹ rọye ri chekọ de si ọbe rhe Artaxserxes ovie ri Pẹsha, e de si ọbe na vwẹ ephẹrẹ ri Aramia ayen da fotọ rọye.

Nehemaya 2:3

Me da ta kẹ ovie na, Jẹn ovie re rhiri bẹdẹ Die mi vwo je opharo emuophihọ, vwẹ ọke re orere na, asan re ishi rẹ ese me hẹ epha, vwọ ghwọrọ kufia, ra da vwẹ erhanre guọghọ anurhoro rọye?

Aizaya 36:11

Etiyin Eliakim, Shebnea, kugbe Joah da ta kẹ Rahshẹkeh nẹ, Biko, ta ota kẹ avwanre vwẹ ephẹrẹ rẹ Aremia, kidie avwanre nyo, wọ ta ota kẹ avwanre vwẹ ephẹrẹ ri Juda-a re ihwo na re he enu rẹ igbẹhẹ na de rhe nyo.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 2:7

Ayen da kpahe vwẹ obọ rivẹ, E jẹn ovie ta evwerhẹ na kẹ idibo rọye, kẹ avwanre fan otọ rọye kẹ wẹ.

Daniẹl 3:9

Ayen da ta kẹ Ovie Nebukadreza, E Ovie, wọ re bẹdẹ.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Daniẹl 4:9

E Belteshaza onotu rẹ evwaghwanre na, fikiridie me riẹnre nẹ erhi rẹ eghẹnẹ efuanfon hẹ evun wẹn o rhe vwo emuigbunu ọvo rọ sa bẹn kẹ wẹ-ẹ, ọna evwerhẹ re me vwerhẹre na; fan otọ rọye kẹ vwẹ.

Daniẹl 5:10

Aye rẹ ovie na, da je rhe asan ra da da, da ria vwẹ ọguan rẹ ovie na, fiki rẹ ota rẹ ovie na vẹ ehọnvwọre rọye; etiyin aye rẹ ovie na da ta, E ovie, wọ re bẹdẹ! Wo jẹ iroro wẹn djẹ oshọ mu we-e, yẹrẹ ophioma wẹn kuẹrhẹriẹ-ẹ.

Daniẹl 5:8

Etiyin evwaghwanre rẹ ovie na ejobi da rhe, ẹkẹvuọvo ayen se se obo re siri na, yẹrẹ sa fan otọ rọye kẹ ovie-e.

Daniẹl 6:21

Etiyin Daniẹl da ta kẹ ovie na, E ovie, wọ re bẹdẹ.

Daniẹl 6:6

Etiyin itidiaga na vẹ isun na de rhi kuoma gbe bru ovie na ra, ayen da ta kẹ, E Ovie Dariọs, wọ re bẹdẹ.

Daniẹl 6:7

Itidiaga rẹ uvie na ejobi, inotu vẹ ehọnvwọre, ediaguare, kugbe isun ride na koko jẹ iroro nẹ ovie ji urhi rọ nabọ jẹ yọnrọn gan, tanẹ, kohwo kohwo rọ nẹ ẹrhovwo kẹ kọghẹnẹ kọghẹnẹ ejobi eyẹ ohwo, jokpa wẹ ọvo, E ovie, ke muo teye unu rẹ ikpohrokpo.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

1 Samuẹl 10:24

Samuẹl da ta kẹ ihwo na ejobi, Ovwan mrẹ ohwo rẹ Ọrovwohwo jẹre? O vwo ọvuọvo rọ họhere vwẹ ohri rẹ ihwo na ejobi-i. Ihwo na ejobi de kperi, E jẹn ovie tọn.