Daniẹl 2:35 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁵ etiyin te utehru na, ọphiẹn na, ẹrovwo na, idọnọ ọfuanfọn vẹ oro na, ayen ejobi de vwirhi ibribro, etiyin e da rhe dia kerẹ ivwuvwu ri tue kuotọ vwẹ okeuvo, etiyin odju de dju ayen kufia, a gbe mrẹ ivwuvwu rayen ọfa-a. Ẹkẹvuọvo oragha ro she teye oma na de rhi hirhe phihọ ugbenu rode ọ da rhe vọn otọ na ejobi.

Daniẹl 2:35 ပူးပေါင်းရင်းမြစ်များ

ỌBE RẸ JOB 6:17

Vwẹ ọke oheri ayen ke ranvwiẹ, ọke rẹ ọ da tuabọ ayen me ranvwiẹ nẹ ẹdia rayen.

Une rẹ Ejiro 103:16

kidie odju de dju wan, yọ yanran, asan rọye gbe cha riẹn ọfa-a.

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Une rẹ Ejiro 37:10

Ọmọke krẹ, oruimwemwu gbe cha dia-a, wọ da tọn ẹro vi otọ ni ẹdia rọye a gbe cha mrẹ-ẹ.

Une rẹ Ejiro 37:36

Me rhoma wanvrẹn, mi de no, me gbe mrẹ ọfa-a; Me da nabọ fuẹrẹ, a gbe sa mrẹ-ẹ.

Une rẹ Ejiro 46:9

Ọ nẹrhẹ ofovwi fue re te oba rẹ akpọ na; o vwirhi umurhabọ, o de wurhu ubiri, ọ vwe erhanre torhẹ ekpẹrẹ rẹ ofovwi

Une rẹ Ejiro 66:4

Akpọ na ejobi gọ wẹ; ayen sua ejiro kẹ wẹ, ayen sua ejiro kẹ odẹ wẹn.

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 8:9

Je oma ghwọrọ ovwan ihwo na, re oma rhọ ovwan, kerhọn, ovwan ihwo rẹ irere oshesheri; chobiẹ re oma ghwọrọ ovwan; wa chobiẹ re oma ghwọrọ ovwan.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

1 Kọrẹnt 15:25

Kidie ọ re rhiri bẹsiẹ rọ vwọ vwẹ ivwighrẹ rọye hwa otọ kẹ chiyi.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 12:8

ẹkẹvuọvo e di phi ayen kua, a gbe mrẹ asan vwẹ obo odjuvwu rọ gba aye-en.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.