Daniẹl 2:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Wọ mrẹre, E ovie, nighe oma rode ọvo, oma nana, gidigba o lo wronwron, o de mudia vwẹ obaro wẹ, ekroma rọye muọshọ.

Daniẹl 2:31 ပူးပေါင်းရင်းမြစ်များ

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Izikiẹl 28:7

ọtiọye, nighe, Me cha reyọ erhorha rhe vwọ so wẹ, ẹgborho ro me muoshọ ejobi; ayen ki che yoro elọkọ rayen vwọ kpahe erhuvwu rẹ ẹghwanre wẹn na kẹ ayen miovwi urinrin wẹn.

Daniẹl 2:36

Onana evwerhẹ na, asakiephana ke ma fan otọ rọye kẹ ovie.

Daniẹl 2:37

Wẹ, E Ovie, ọye ovie ro vwo ivie, rẹ Ọghẹnẹ rẹ obo odjuvwu vwẹ uvie na kẹ, te ogangan vẹ ẹgba, kugbe urinrin,

Daniẹl 3:1

Ovie Nebukadreza da ma ẹdjọ rẹ oro, ugrogro rọye da dia kubit ujorha, ohẹhẹre rọye ke rha kubit esan. O de muo vi vwẹ uphephẹ ri Dura vwẹ unuakpọ ri Babilọn.

Daniẹl 4:36

Vwẹ ọke yena, iroro mẹ de bru vwẹ rhe; fiki rẹ urinrin rẹ uvie mẹ, ọrho mẹ vẹ erhuvwu mẹ de rhivwi bru vwẹ rhe. Edieguare mẹ vẹ ehọnvwọre mẹ da guọnọ o vwẹ mrẹ, owọ mẹ de rhi muọtọ kokoroko vwẹ evun rẹ uvie mẹ, a da rha vwẹ ọrho buebu efa vwọ ba kẹ vwẹ.

Habakọk 1:7

Ihwo ri mu udidi ri mu oshọ; ọsoso rayen kugbe ọrho yoro nẹ ayen oma cha.

Matiu 4:8

Idẹbono da rhoma reyọ vwo kpo enu rẹ ugbenu ọvo ro kpenu gangan, ọ da vwẹ uvie rẹ akpọ na ejobi vwọ nẹ, kugbe urinrin rọye ejobi;

Iyẹnrẹ Esiri ri Luk 4:5

Idẹbono de muo kpenu, ọ da vwẹ uvie kugbe urinrin rẹ akpọ na ejobi vwọ nẹ,