Daniẹl 2:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Daniẹl da kpahe kẹ ovie, o vwo ọvwaghwanre ọvuọvo, eyẹ otu rẹ idjene eyẹ otu rẹ egbẹnẹkẹ eyẹ otu rẹ fan otọ rẹ isio ri se dje emuigbunu nana rẹ ọvie nọre na kẹ-ẹ,

Daniẹl 2:27 ပူးပေါင်းရင်းမြစ်များ

Jẹnẹsis 40:8

Ayen da ta kẹ, Avwanre vwerhẹ evwerhẹ, a rha mrẹ ohwo rọ faotọ rọye kẹ avwanre-e. Josẹf da ta kẹ ayen; Ọ dia Ọghẹnẹ re faotọ rẹ evwerhẹ? Gba ta kẹ vwẹ, Me rẹ wẹ.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Jerimaya 10:7

Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.