Daniẹl 2:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Daniẹl 2:23 ပူးပေါင်းရင်းမြစ်များ

Jẹnẹsis 18:17

Ọrovwohwo da ta, Ki mi si obo ri mi che ru na nu kẹ Ebraham,

Jẹnẹsis 31:42

Ọ dianẹ kẹ Ọghẹnẹ rẹ ọsẹ mẹ, Ọghẹnẹ rẹ Ebraham kugbe oshọ rẹ Aizik nene uvwe dia vwo-o, yo muẹro nẹ abọ ofefe wa vwọ djẹ vwẹ kpọ, Ọghẹnẹ mrẹ oma elaghọ mẹ kugbe owian rẹ abọ mẹ, ọ da ghwọ ku we ason rọ wanre na.

1 Ivie 18:36

Ọke rẹ izobo rẹ ẹtorhẹ na vwo te, Ilaija rẹ ọmraro na de si kẹrẹ ọ da ta, E Ọrovwohwo, Ọghẹnẹ rẹ Ebraham, Aizik, kugbe Izrẹl, jẹn a riẹn nonẹ na nẹ wẹ ọfuanfon rọ hẹ Izrẹl, nẹ mẹvwẹ kẹ odibo wẹn, nẹ ota wẹn mi vwo ruẹ imu nana.

1 Ivie 8:57

Ọrovwohwo Ọghẹnẹ rẹ avwanre vẹ avwanre dia, kirobo rọ vẹ esẹ rẹ avwanre diarọ; e jọ yan jẹ avwanre vwo-o eyẹ ọ sen avwanre-e;

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

1 Ikun rẹ Ivie 29:13

Asakiephana ma kpẹvwẹ owẹ, Ọghẹnẹ rẹ avwanre, me jiri odẹ wẹn rẹ urinrin na.

2 Ikun rẹ Ivie 20:6

Ọ da ta, E Ọrovwohwo, Ọghẹnẹ rẹ esẹ rẹ avwanre, ọ dia owẹ Ọghẹnẹ rọ hẹ obo odjuvwu-u? Ọ dia owẹ ri suẹn vwẹ enu rẹ ẹgborho na ejobi-i? Obọ wẹn ọye ogangan vẹ ẹgba epha, ọtiọye na ohwo gbe sa hẹrhẹ owẹ-ẹ.

Une rẹ Ejiro 21:2

Wẹ re vwẹ obo rẹ udu rọye guọnọre kẹ, obo rẹ ẹbẹrunu rọye yare wọ vwe rọ djahe obuko kẹ-ẹ.

Une rẹ Ejiro 21:4

O nekpẹn rẹ arhọ mie we; wọ da ghene vwọ kẹ, ẹdẹ okrekri rhiri bẹdẹ bẹdẹ.

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Isẹ 21:22

Ohwo rọ ghwanre re sa gadiẹ orere rẹ ọgba, o mi kporo ogba ọgangan rẹ ayen vwẹ ẹro so ejobi.

Isẹ 24:5

Ohwo ro vwo aghwanre gan nọ ohwo ro vwo ẹgba, eriyin ohwo ro vwo erianriẹn je gan nọ ohwo ro vwo ogangan;

Isẹ 8:14

Mi vwo uchebro vẹ omamọ rẹ aghwanre, mi vwo erianriẹn rẹ emu ikokodo, mi ji vwo ogangan.

Aghwoghwo 7:19

Aghwanre vwẹ ẹgba kẹ ọvwaghwanre nọ isun ihwe re hẹ evun rẹ orere.

Aghwoghwo 9:16

Ẹkẹvuọvo me tare nẹ aghwanre yovwi nọ ẹgba owenẹ a jẹ aghwanre rẹ ogbere na fia, ra davwerhọn rẹ eta rọye-e.

Aghwoghwo 9:18

Aghwanre yovwi nọ ekuakua rẹ ofovwi, ẹkẹvuọvo oruimwemwu ọvo guọghọ emu esiri buebu.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 2:18

Ọ da ta kẹ ayen nẹ ayen nọ ekpẹn rẹ ehrọre vwẹ obọ rẹ Ọghẹnẹ rẹ odjuvwu kẹ emu rẹ igbunu nana, rere Daniẹl vẹ irivẹ rọye vwo je ghwo kugbe evwaghwanre ri chekọ vwi Babilọn na.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Iyẹnrẹ Esiri ri Luk 10:21

Vwẹ ọke yena vuọvo na ọ da ghọghọ vwẹ evun rẹ Erhi Ọfuanfon na ọ da ta, Me kpẹvwẹ owẹn, Ọsẹ, Ọrovwohwo ro vwo odjuvwu vẹ akpọ, ru wo vwo si imu nana nu kẹ evwaghwanre kugbe otu ri vwo ẹruọ wọ da vwẹ ayen phia kẹ emọboba; eriyin, Ọsẹ, kidie ọtiọye hẹ ọhọre esiri wẹn na.

Iyẹnrẹ Esiri ri Jọn 11:41

Ọtiọye na ayen de mu oragha na no. Jesu da kpare opharo rọye kpenu ọ da ta, Ọsẹ, me kpẹvwẹ owẹ ru wo vwo nyo vwe.

Iyẹnrẹ Esiri ri Jọn 15:15

Mi gbi se ovwan idibo ọfa-a, kidie odibo riẹn obo rẹ onini rọye ruẹ-ẹ ẹkẹvuọvo mi se ovwan igbeyan, kidie obo ri mi nyo mie Ọsẹ mẹ ejobi me vwẹ ayen phia kẹ ovwan.

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 5:5

Etiyin ọvo vwẹ ekpako na da ta kẹ vwẹ, Wọ viẹ-ẹ; nighe, Okpohrokpo rẹ orua ri Juda na, Owọ ri Devid, o phi kparobọ nure, kọye ri se rhie ọbe na kugbe isiaphrẹ ighwrẹ na.