Daniẹl 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 2:21 ပူးပေါင်းရင်းမြစ်များ

1 Ivie 10:24

Akpọ na ejobi ke guọnọ opharo ri Solomọn mrẹ rere ayen vwo nyo aghwanre rọye, rẹ ọfuanfon phi phihọ udu rọye.

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

1 Ivie 4:29

Ọghẹnẹ da vwẹ aghwanre vẹ ẹruọ vwọ kẹ Solomọn vrẹn ẹka, ọ vẹ udu rọ hẹre ro bu nọ lbiekpẹn rẹ urhie,

1 Ikun rẹ Ivie 22:12

Ọrovwohwo gba vwẹ ọhọ vẹ erianriẹn kẹ wẹ, rere ọ da vwẹ owẹ mu vwẹ enu rẹ Izrẹl nure wọ vwọ sa yọnrọn urhi rẹ Ọrovwohwo rẹ Ọghẹnẹ wẹn.

1 Ikun rẹ Ivie 29:30

kugbe iyẹnrẹn rẹ isuesun rọye ejobi vẹ ẹgba rọye vẹ obo re phia kẹ kugbe Izrẹl, kugbe uvie ejobi rẹ orho rẹ riariẹ ayen phihọ.

Ẹsta 1:13

Etiyin ovie da ta kẹ evwẹghwanre re riẹn ọke na–fikiridie ọnana idjerhe rẹ ovie nene kẹ ihwo re riẹn urhi vẹ ẹdjeguo,

ỌBE RẸ JOB 12:18

Ọ rhan ufi rẹ ivie na, o mi rhe churu ukpaghwa si ayen ehu.

Ẹyano 31:3

me da vwẹ Erhi rẹ Ọghẹnẹ vwọ vọn, ọ vẹ ogangan vẹ ọhọ vẹ erianriẹn vẹ ona ejobi,

Ẹyano 31:6

Nighe, Me je vwẹ Oholiab ọmọ rẹ Ahisamak vwo mu, ọ rẹ orua ri Dan; me je vwẹ ogangan kẹ ihwo re sa wian owian ejobi, rere ayen vwo ru obo re me ta kẹ wẹ na ejobi:

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 11:6

Ikpe evo da wan nu, ayen ki che mu ugbeyan, ọmọtẹ rẹ ovie rẹ obuko ọnre ko che bru ovie rẹ obọhwẹre ọnre rhe, rhe guọnọ ufuoma, ẹkẹvuọvo o gbe sa yọnrọn ogangan rẹ igbabọ rọye-e, tẹ ọye vẹ uvwiẹ rọye cha dia krẹ-ẹ, ẹkẹvuọvo ke cha siobọ no, te idibo rọye, ọmọ rọye, kugbe ihwo re wan oma rọye fe.

Daniẹl 2:20

Daniẹl da ta: Ebruba kẹ odẹ rẹ Ọghẹnẹ bẹdẹ bẹdẹ, ohwo ro vwo ẹghwanre vẹ ẹgba.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Daniẹl 2:9

Nẹ wa sa fan otọ rẹ evwerhe na kẹ vwẹ-ẹ, ota ọvuọvo kpoi kọye me ta kẹ ovwan, wa rhọvwe kugbe nẹ wa vwọrọn efian kugbe eta imiomiovwi vwẹ obaro mẹ bẹsiẹ rẹ ọke na vwọ rherie. Fiki rẹ ọtiọye na wa gba ta evwerhẹ na kẹ vwẹ, ke me riẹn nẹ ovwan sa fan otọ rọye.

Daniẹl 4:14

O de kperi gangan tanẹ, She urhe na teye otọ re wọ nyavwe eghọn rọye kufia, hrọre ẹbe rọye nu, re wọ je hra emamọ rọye, jẹn eranvwe na djẹ nẹ otọ rọye, re ephran na rhan nẹ eghọn rọye.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.