Daniẹl 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 2:2 ပူးပေါင်းရင်းမြစ်များ

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Ẹsta 1:13

Etiyin ovie da ta kẹ evwẹghwanre re riẹn ọke na–fikiridie ọnana idjerhe rẹ ovie nene kẹ ihwo re riẹn urhi vẹ ẹdjeguo,

Ẹyano 7:11

Etiyin Fero de se aghwaire na kugbe ẹboepha na, ayen otu ri ruẹ egbẹnẹkẹ vwẹ Ijipt na, ayen da je vwẹ abọ rayen ji ru egbẹnẹkẹ ọtiọye rhe.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Daniẹl 2:10

Ihwo ri Kaldia na da kpahe ke ovie na, O vwo ohwo ọvuọvo vwẹ akpọ na ro se ru obo rẹ ovie na nọre na-a, kidie a je mrẹ ovie rode ro vwo ogangan rọ nọ ekpẹn rẹ emu ọtiọnana vwẹ obọ rẹ egbẹnẹkẹ, eyẹ idjene, eyẹ eboepha, eyẹ, erienda rọye devọ-ọ.

Daniẹl 2:27

Daniẹl da kpahe kẹ ovie, o vwo ọvwaghwanre ọvuọvo, eyẹ otu rẹ idjene eyẹ otu rẹ egbẹnẹkẹ eyẹ otu rẹ fan otọ rẹ isio ri se dje emuigbunu nana rẹ ọvie nọre na kẹ-ẹ,

Daniẹl 3:8

Etiyin ihwo ri Kaldia evo da rhe obaro rhe vwẹ ihwighwu gborho ihwo ri Ju na.

Daniẹl 4:3

Mavọ oka rọye rho te, mavọ igbunu rọye vwo ẹgba te! Uvie rọye uvie ri bẹdẹ, isuesun rọye herọ nẹ uvwiẹ re te uvwiẹ.

Daniẹl 4:6

Kọye mi de ghwoghwo nẹ e se evwaghwanre ri Babilọn ejobi rhe vwe, rere ayen fan otọ rẹ evwerhẹ na kẹ vwẹ.

Daniẹl 5:7

Ovie na de kperi nẹ a reyọ otu rẹ eboepha na rhe, ihwo ri Kaldia na, kugbe ihwo ri nẹ isio na. Ovie na da ta kẹ evwaghawnre ri Babilọn ohwo kohwo ro se se obo re siri na, ọ da rha fan otọ rọye kẹ vwẹ, ka vwẹ emwa rẹ isene vwọ rhuo, e mi rhe phi ojọnrọn rẹ oro phihọ ohọre rọye, kọ dia ohwo rerha vwẹ uvie na.

1 Samuẹl 6:2

Ihwo ri Filistia de se irherẹn na kugbe eboepha na tanẹ, Kidie avwanre ru ekpeti rẹ Ọrovwohwo na? Ta kẹ avwanre kidie avwanre vwo suo kpo asan rọye?