Daniẹl 2:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọ da ta kẹ ayen nẹ ayen nọ ekpẹn rẹ ehrọre vwẹ obọ rẹ Ọghẹnẹ rẹ odjuvwu kẹ emu rẹ igbunu nana, rere Daniẹl vẹ irivẹ rọye vwo je ghwo kugbe evwaghwanre ri chekọ vwi Babilọn na.

Daniẹl 2:18 ပူးပေါင်းရင်းမြစ်များ

Jẹnẹsis 18:28

Ọ da dianẹ a mrẹ evwata ujuvẹ gbẹ iyori? Ku wọ je ghwọrọ orere na fiki rẹ iyori ọvo ri nuro na? Ọ da ta, Me sa ghwọrọ-ọ ọ da dianẹ a mrẹ evwata ujuvẹ gbe iyori vwọ.

Une rẹ Ejiro 136:26

E vwẹ ẹkpẹvwẹ vwọ kẹ Ọghẹnẹ ro vwo odjuvwu, kidie ẹguọnọ rọye ro jẹ rhẹriẹ na dia rhiri bẹdẹ.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 4:26

Kirobo ra vuẹrẹ nẹ o yan jẹ uchuku rẹ awọ re urhe na vwọ na, uvie wẹn kọ dia kẹ wẹ nẹ ọke wo vwo segbuyota nẹ odjuvwu ri suẹn.

Jona 1:9

O da te ke ayen. Mẹvwẹ ohwo ri Hibru, me djẹ oshọ rẹ Ọrovwohwo, Ọghẹnẹ re odjuvwu na, rọ ma abadi kugbe otọ ọyaya na.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Matiu 18:12

Ọrhọ ovwan rori? ọ da dianẹ ohwo vwo igodẹ ujori, ọvo rọye de ghwru, o gbi gbobọnyẹ ọvo nuro ujori na, rọ da yan ro evun rẹ aghwa ra guọnọ ọ ro ghwruru na?

Matiu 18:19

Me je ta kẹ ovwan nẹ, ovwan ivẹ de kuoma gbe vwọ nọ ekpẹn rẹ emu, Ọsẹ rẹ obo odjuvwu kọ ruo kẹ ayen.

Iruo rẹ Iyinkọn na 12:4

Re vwo muo nu, o de phio phihọ uwodi, ọ da vwọ kẹ isodje ihwe gbẹ esan yọnre rere ayen sẹro rọye, bẹsiẹ ra vwọ re orẹ rẹ Ewanvrẹn nu rere a ke vwọ phia kẹ ihwo na.

Ọbe ri Pọl si rhe Ihwo ri Rom 15:30

Imoni mẹ, me vwẹ odẹ ri Jesu Kristi rẹ ovwan, kugbe ẹguọnọ rẹ Erhi na, rere ovwan ejobi ku unu gbe rẹ Ọghẹnẹ kẹ vwẹ;

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.