Daniẹl 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Emu rẹ ovie nọ ekpẹn rọye na pha bẹnbẹn, o vwo ohwo ọvuọvo ro se dje phia kẹ ovie-e jokpa nẹ edjọ rọ vẹ ihwo rẹ akpọ yeri kugbe-e.

Daniẹl 2:11 ပူးပေါင်းရင်းမြစ်များ

Jẹnẹsis 41:39

Kọye Fero da ta ki Josẹf, Rẹ Ọghẹnẹ vwọ vwẹ emu na ejobi phia kẹ wẹ na, o rhe vwo ohwo ọvuọvo rọ ghwanre no wẹ-ẹ;

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

1 Ivie 8:27

Ẹkẹvuọvo kẹ Ọghẹnẹ sa tobọ dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ uwevwi ọhahavwe nana re me bọnre na.

2 Ikun rẹ Ivie 6:18

Ẹkẹvuọvo vwẹ ọ rẹ uyota na kẹ Ọghẹnẹ vẹ ihwo dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ umuwevwi nana re me bọnre na?

Une rẹ Ejiro 132:14

Ọnana asan omerovwo mẹ bẹdẹ, etinẹ me dia, kidie me guọnerọ.

Une rẹ Ejiro 68:18

Wọwẹ ghine yere ugbenu ro kpenu na, wo re siẹ ighuvwu nene oma, e re ru ẹse kẹ wẹ vwẹ ohri rẹ ihwo, mrẹmrẹ vwẹ ohri rẹ ihwo re vwọ so wẹ, rere Ọrovwohwo Ọghẹnẹ vwọ sa dia etiyin.

Ẹyano 29:45

Ke me cha dia ohri rẹ ihwo rẹ Izrẹl, ke me dia Ọghẹnẹ rayen.

Ẹyano 8:19

Ihwo rẹ egbẹnẹkẹ na da ta kẹ Fero, ọnana urhiabọ rẹ Ọghẹnẹ. Ẹkẹvuọvo udu ri Fero je gan, ọ gbe sa kerhọ raye-en; kirobo rẹ Ọrovwohwo tare.

Aizaya 47:12

Gbe mudia gan vwẹ ebọ wọ họrhiẹ na kugbe aroẹmrẹ wẹn buebu, ru wọ wian phihọ nẹ ọke emọ rhe, ọkeọvo wọ Me sa kparobọ, ọkeọvọ wọ Me jẹ oshọ mu ihwo.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 8:18

Nighe, Mẹvwẹ vẹ emọ rẹ Ọrovwohwo vwọ kẹ vwẹ na eka vẹ asaumwemwu ro nẹ obọ rẹ Ọrovwohwo rẹ ofovwi na rhe ke Izrẹl, Ọrovwohwo dia Ugbenu rẹ Zayọn.

Daniẹl 4:4

Mẹvwẹ, Nebukadreza, me hẹ evun rẹr egbomọphẹ vwẹ evun rẹ uwevwi mẹ, ọ ji ghwe yovwẹ kẹ vwẹ vwẹ evun rẹ ighẹn mẹ.

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

Joẹl 3:21

Ki mi reihri rẹ ọbara rayen, Me cha hworhẹ ihwo rẹ abe-e, kidie Ọrovwohwo na re dia Zayọn.

Ukeri 35:34

Wo gbe otọ na ru wọ dia na ẹgua-a, vwẹ uherevie rẹ otọ rẹ ekpuyovwi me dia na; kidie mẹvwẹ Ọrovwohwo dia uherevie rẹ ihwo rẹ Izrẹl.

Matiu 19:26

Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Ẹvwọphia 21:3

mi de nyo urhuru rode ọvo ro nẹ obo ekete na rhe tanẹ, Nighe, Ọghẹnẹ rhe bọn uwevwi rọye kugbe ihwo rẹ akpọ. Kọ nene ayen dia, ayen ke dia ihwo rọye, okpuyovwi rẹ Ọghẹnẹ ko bru ayen rhe dia;