Daniẹl 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 12:7 ပူးပေါင်းရင်းမြစ်များ

ỌBE RẸ JOB 27:2

Rẹ Ọghẹnẹ vwọ herọ na, ohwo rọ reyọ ẹkẹ mẹ mievwe na, te Ọrovwoẹgba na, ro ru ẹnwẹn mẹ muenu na,

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Izikiẹl 20:5

re wọ ta kẹ ayen, Enẹ Ọrovwohwo Ọghẹnẹ tare: Vwẹ ẹdẹ re me vwọ jẹ Izrẹl reyọ, mi de duvwu iyori kẹ evwruwevwi ri Jekọp, mi de dje oma mẹ kẹ ayen vwẹ otọ rẹ Ijipt, mi de duvwu iyori kẹ ayen, tanẹ, Mẹvwẹ Ọrovwohwo Ọghẹnẹ wẹn.

Daniẹl 10:5

me da kpare ẹro, mi de ni, nighe, ohwo ọvo rọ vwẹ esada rhuo, ra vwẹ oro rẹ Ufaz vwọ mu ehu rọye.

Daniẹl 11:13

Kidie ovie rẹ obọhwẹre ọnre je cha ghwa urogho buebu rhe, ri bunọ e rẹsosuọ, ikpe evo da wan nu, kọ cha ghwẹ unuofovwi rode rhe vẹ ekuakua buebu.

Daniẹl 12:6

Me da ta kẹ ohwo na rọ vwẹ esada rhuo rọ hẹ obenu rẹ ame rẹ urhie na, Mavọ o kri te ra ke mrẹ oba rẹ igbunu nana?

Daniẹl 12:8

Mi nyori, ẹkẹvuọvo yọ ro vwẹ-ẹ. Etiyin me da ta, E Ọrovwovwe, die ri che nẹ evun rẹ eravwọ nana cha?

Daniẹl 4:31

Ọke rẹ ota na je vwo unu rẹ ovie na, urhuru ọvo de nẹ odjuvwu rhe, E Ovie, Nebukadneza we ọye a ta ota na kẹ; Uvie na vrẹn nẹ obọ wẹn nure.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 7:21

Ri mi vwo no re, ighoro na vẹ ihwo efuanfon ki phiẹ ofovwi, ọ da gan nọ ayen,

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 8:14

Ọ da ta kẹ, ovwọnvwọn vẹ irhiọke uriori ivẹ kugbe ujori erha; kẹsiẹye a ke cha rhoma ma ẹshẹ na phihọ ẹdia ro shephihọ kẹ.

Daniẹl 8:24

Ogangan rọye kọ cha rho, kọ cha guọghọ eguọghọ ro muoshọ, kemu kemu ro ruru ejobi ko shephihọ kẹ, kọ guọghọ eshare vẹ ẹgba kugbe ihwo efuanfon na.

Iyẹnrẹ Esiri ri Luk 21:14

Gbe jẹ ọnana dia udu rẹ ovwan, wa jẹ iroro phihọ evun obo rẹ ovwan cha kpahe-e;

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Urhi Rivẹ 26:19

re ọ vwọ kparo wẹ kpenu nọ ẹgborho rọ mare na ejobi, vwẹ evun rẹ ejiro vwẹ evun rẹ usi kugbe evun rẹ ọghọ, rere wọ vwọ dia ihwo efuanfon kẹ Ọrovwohwo rẹ Ọghẹnẹ wẹn na, kirobo ro tare na.

Urhi Rivẹ 32:36

Kidie Ọrovwohwo che brorhiẹ kẹ ihwo rọye ro de ni arodovwẹ rẹ idibo rọye, ọke rọ da mrẹ nẹ ogangan rayen reri, nẹ ọvuọvo gbi chekọ-ọ, te ọviẹn vẹ ọmuvwiẹ dede.

Urhi Rivẹ 32:40

Me kpare obọ mẹ kpenu, vwo se iyori, Kirobo Me herọ bẹdẹ na

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.

Ẹvwọphia 13:5

A da vwẹ unu kẹ rere ọ vwọ ta eta ebrabra kugbe eta rẹ ophọphọvwe, a da rhọvwe kẹ nẹ o vwo ogangan nana emeranvwe ujuvẹ gbẹ ivẹ;

Ẹvwọphia 4:10

ekpako uje gbẹ ẹne na ki she diguẹ vwẹ obaro rẹ ohwo ro tidia vwẹ enu rẹ ekete na kẹ ayen gọ ohwo rọ rhọre bẹdẹ bẹdẹ na; ayen ke kpare erhu rayen phihọ obaro rẹ ekete na, ke so une tanẹ,

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,