Daniẹl 12:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Me da ta kẹ ohwo na rọ vwẹ esada rhuo rọ hẹ obenu rẹ ame rẹ urhie na, Mavọ o kri te ra ke mrẹ oba rẹ igbunu nana?

Daniẹl 12:6 ပူးပေါင်းရင်းမြစ်များ

Une rẹ Ejiro 74:9

Avwanre mrẹ ekan re avwanre-e, ọmraro ọvuọvo gbe herọ-ọ, o gbi vwo ohwo vwe ohri re avwanre na rọ riẹn obo ro krite-e.

Izikiẹl 9:2

Nighe, eshare esan de nẹ ẹbẹre rẹ anurhoro rẹ obenu na rhe, ro hirhe aro ku obuko ọnre, dohwo dọkọlọ rọye rọ cha vwọ nyavwa vwẹ obọ, ohwo ọvo rọ vwẹ isada rhuo vwọ ba ayen, vẹ ekpu re vwo si ẹbe rọ vwọ ya oma. Ayen da ro uwevwi re mudia kẹrẹ agbada rẹ ẹrovwo na.

Daniẹl 12:5

Etiyin mẹvwẹ ri Daniẹl de ni, nighe, ihwo ivẹ efa de mudia, ọvo hẹ egbẹ rẹ urhie nana, ọvo hẹ egbẹ rẹ urho yena.

Daniẹl 12:8

Mi nyori, ẹkẹvuọvo yọ ro vwẹ-ẹ. Etiyin me da ta, E Ọrovwovwe, die ri che nẹ evun rẹ eravwọ nana cha?

Daniẹl 8:13

Etiyin mi de nyo ohwo ọfuanfon ọvo rọ ta ota kẹ ohwo ọfuanfon ọfa nẹ, Ọkevọ emramrẹ ra mrẹ kpahe izobo ẹtorhẹ rẹ kọke kọke na krite, ẹguegbe rọ nẹrhẹ asan kua fiotọ, kugbe ẹshẹ na ra cha guọghọ vẹ otu na re che chiyi muoto?

Daniẹl 8:16

Mi de nyo urhuru rẹ ohwo ọvo vwẹ uvwre rẹ eghẹn rẹ Ulai na; o de se, Gabriẹl, ru ohwo nana rọ riẹn otọ rẹ emramrẹ na.

Matiu 24:3

Ọke ro vwo tidia vwẹ enu rẹ ugbenu rẹ Oliv, idibo rọye da bẹbẹ bro rhe nẹ, ta kẹ avwanre, ọkevọ emu nana cha vwọ phia? eyẹ kọrhọ re cha dia oka rẹ ẹcha rẹ ọmọ rẹ ohwo, kugbe oba rẹ akpọ na?

Iyẹnrẹ Esiri ri Mak 13:4

Ta kẹ avwanre ọke ọvo imu nana che vwo ruẹ? die re cha dia oka rẹ ọke rẹ imu nana ejobi cha vwọ gba?

Ẹfesọs 3:10

Nẹ vwẹ oma rẹ ishọshi na a sa vwọ riẹn aghwanre rẹ Ọghẹnẹ rọ pha buebu na vwẹ asakiephana vwẹ otu rẹ ikpihwo ride kugbe ogangan rọ hẹ asan ro kpenu.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

Ẹvwọphia 15:6

emakashe ighwrẹ ri vwo ọtiekọ ighwrẹ de nẹ evun rẹ uwevwi rẹ ẹga na rhe, re vwẹ omamọ rẹ esada ri lo wrowro vwo rhuo, ayen da vwẹ umuehu rẹ oro mu udu rayen.

Ẹvwọphia 19:14

Otuofovwi rẹ odjuvwu, re vwẹ esada iyoyovwi rhuo, fuanfon yoyovwi, re gua esi efuanfon de tue nene.

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?