Daniẹl 12:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 12:4 ပူးပေါင်းရင်းမြစ်များ

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 29:11

Eta ra arọẹmrẹ nana ejobi rhi hirhe phihọ ota rẹ obe ra tangbe. Ọke ra da vwọ kẹ ọvo no gbe se re, ne, Se ọnana, ọ da ta, Mi se se-e, kidie a tanrọ gbe.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 32:3

Ọke yena ẹro re ihwo re mrẹ gbi se rhurhu-u kugbe erhọn ri nyoro ke kerhọn.

Aizaya 8:16

Gba Iseri mẹ na, ka oka phihọ uyono mẹ vwẹ ohri rẹ idibo mẹ.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Daniẹl 11:33

Ihwo evo vwẹ ohri rẹ ihwo na ri vwo ọhọ cha nẹrhẹ ihwo buebu vwo ọhọ owenẹ a vwẹ ọlọkọ vẹ erhanre hwe ayen, imu eyẹ ugborho, vwẹ ẹmẹ ẹdẹ krẹn.

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 12:13

Ẹkẹvuọvo gba yanran bẹsiẹ rẹ oba na ki te; ku wo che rovwoma, ku wo che mudia phihọ asan ra ghare ke we vwẹ oba rẹ ẹdẹ na.

Daniẹl 12:5

Etiyin mẹvwẹ ri Daniẹl de ni, nighe, ihwo ivẹ efa de mudia, ọvo hẹ egbẹ rẹ urhie nana, ọvo hẹ egbẹ rẹ urho yena.

Daniẹl 12:9

Ọ da ta, Yanran kpo asan wọ ra, Daniẹl, kidie erhurhu eta na e de rhe kọ ayen gbe bẹsiẹ rẹ ọke rẹ oba na vwọ te.

Daniẹl 8:17

Etiyin ọ de rhi sikerẹ asan ri mi mudia phihọ rọ vwọ rhe re, ọshọ de mu vwẹ mi de she bọvwọn opharo rhuotọ. Ẹkẹvuọvo ọ da ta kẹ vwẹ, Jọ ro wẹ, E Ọmọ rẹ ohwo, nẹ emramrẹ nana ọye ọ rẹ ọke rẹ oba na.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Daniẹl 8:26

Emramrẹ rẹ ovwọnvwọn vẹ irhiọke ra tare ye uyota, ẹkẹvuọvo gbe rhurhu emramrẹ na, kidie ọ kpoma phihọ ẹdẹ buebu ro cha.

Matiu 24:14

Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.

Ọbe ri Pọl si rhe Ihwo ri Rom 10:18

Ẹkẹvuọvo me nọre, ayen nyori-i ? Dẹn, ayen nyori, kidie E nyo umri rayen wan akpọ na ejobi, eta rayen rhiri re te oba rẹ akpọ na.

Ẹvwọphia 10:4

Ọke re agbrara ighwrẹ na vwọ van, ki mi muegbe ri mi vwo si, ẹkẹvuọvo mi de nyo urhuru ọvo ro nẹ odjuvwu rhe tanẹ, Ka oka phihọ obo rẹ agbrara ighwrẹ na tare, wo sio phihọ otọ.

Ẹvwọphia 22:10

Ọ da ta kẹ vwẹ, Wo huhu ọbe rẹ eta rẹ aroẹmrẹ nana-a, kidie ọke na si kẹre re.

Ẹvwọphia 5:1

Vwẹ obọrhe rẹ ohwo ro tidia vwẹ enu rẹ ekete na, me da mrẹ ọbe ọvo e siro vọn te obuko te obaro, a vwẹ usiaphrẹ ighwrẹ kanrọ;