Daniẹl 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ihwo re ghwanre ki che lọ wrowro vwo obo irharhe, otu re rhẹriẹ ihwo buebu hirhe phihọ ọvwata, ke cha dia kerẹ isio bẹdẹ bẹdẹ.

Daniẹl 12:3 ပူးပေါင်းရင်းမြစ်များ

Ẹyano 34:35

kẹsiẹye ihwo rẹ Izrẹl ke mrẹ opharo ri Mosis, tanẹ, ohọroma rẹ opharo ri Mosis lo; etiyin Mosis mi rhe phi oga na rhurhu opharo rọye, bẹsiẹ rọ vẹ ọye ke rhoma ta ota.

Isẹ 11:30

Omamọ rẹ ọvwata ọye urhe rẹ arhọ, ẹkẹvuọvo ozighi hwe arhọ.

Isẹ 3:35

Ọvwẹghwanre cha re uku rẹ ọghọ, ẹkẹvuọvo ẹkpa kẹ uku rẹ ophọphọvwe.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aghwoghwo 12:9

Ra vwọ ba ẹghwanre na ro vwori na, Aghwoghwo na ji yono ihwo na erianriẹn E, o roro, ọ guọnọ phia, o de kpe ite buebu.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Daniẹl 11:33

Ihwo evo vwẹ ohri rẹ ihwo na ri vwo ọhọ cha nẹrhẹ ihwo buebu vwo ọhọ owenẹ a vwẹ ọlọkọ vẹ erhanre hwe ayen, imu eyẹ ugborho, vwẹ ẹmẹ ẹdẹ krẹn.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Daniẹl 12:10

Ihwo buebu ki che ru oma rayen fon, ayen mi rhi ru oma rayen fuanfon, kẹ ayen nabọ fon; ẹkẹvuọvo ohwo umwemwu ko che ru phihọ yẹ ohwo umwemwu ọvuọvo che vwo ọhọ rọye-e ẹkẹvuọvo otu re ghwanre ki vwo ẹruo rọye.

Matiu 13:43

Otu rẹ evwata ki che lo kerẹ ọnre vwẹ uvie rẹ Ọsẹ na. Ọ ro vwo erhọn e jo nyo.

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Iyẹnrẹ Esiri ri Jọn 4:36

Ọ ro vuẹ ghwe vwo osa, ọ ghwẹ emamọ koko hẹrhẹ arhọ ri bẹdẹ, ọtiọye na te ọ rọ kọn te ọ ro vuẹ vwọ sa ghọghọ kugbe.

Iyẹnrẹ Esiri ri Jọn 5:35

Ọye hẹ urhukpẹ rọ la ro lo, ovwan da rhọvwe ghọghọ emerha vwẹ urhukpẹ rọye.

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

1 Kọrẹnt 3:10

Kerẹ uwevwi rẹ Ọghẹnẹ ji vwẹ, kerẹ ohwo rọ bọn uwevwi me tọn uchivwo phihọ nure, ohwo ọfa kọye re bọn phihọ enu rọye. E jẹn ohwo ọvuọvo nite obo rọ bọn phihọ enu rọye wan.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Hibru 5:12

Kidie rhi te ọke nana iyono e rori nẹ ovwan a dia, ovwan ke rha hẹrhẹ nẹ e gbe yono ovwan iji rẹ ota rẹ Ọghẹnẹ. Ovwan guọnọ evie, ọ dia emuọre ọgangan.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.

Iguẹdjọ 5:31

Ọtiọye ivwighrẹn wẹn ejobi guọghọ kufia, E Ọrovwohwo! Ẹkẹvuọvo igbeyan wẹn ejobi dia kerẹ ọnre rọ vacha vwẹ evun rẹ ogangan rọye. Otọ na de vwo omaerovwo ikpe ujuvẹ.