Daniẹl 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Daniẹl 12:2 ပူးပေါင်းရင်းမြစ်များ

Isẹ 12:8

Ọtiobo rẹ iroro rẹ ohwo yovwi te eriyin ejiro te, ẹkẹvuọvo ọjẹfia ọye ẹkẹn ro te ohwo rẹ iroro rọye chọre.

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Izikiẹl 37:12

Fiki rẹ ọtiọye na gba mraro, re wọ ta kẹ ayen, E nẹ Ọrovwohwo Ọghẹnẹ tare: Nighere, mi rhie ishi rẹ ovwan, E ihwo me; ke me vwẹ ovwan kpo obo otọ rẹ Izrẹl.

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Matiu 25:46

Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.

Iruo rẹ Iyinkọn na 24:15

vẹ iphiẹrohọ kpahe Ọghẹnẹ rẹ ekpuyovwi rẹ ayen vwori, nẹ evrẹnushi herọ kẹ ihwo, te ihwo ọsoso te i ri jẹ ọsoso ẹdia.

Iruo rẹ Iyinkọn na 7:60

Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.

Ọbe ri Pọl si rhe Ihwo ri Rom 9:21

Ọmema rhe vwo ogangan vwẹ enu rẹ ọphiẹ-ẹn, rọ da vwẹ ukori rẹ ọphiẹn ọvuọvo na ma oka rẹ oravwọ ọvo ra vwẹ obo tete kugbe ọfa re vwo gbe otọ-ọ?

1 Tẹsalonaika 4:14

Kidie avwanre de segbuyota nẹ Jesu ghwuru rọ da rhoma vrẹn nẹ ughwu, ọtiọye rhe ihwo ejobi ri vi Jesu gba vwerhe na, Ọghẹnẹ kọ kpare ayen re vwerhẹ na vẹ ọye vrẹn.

Ẹvwọphia 20:12

Me da mrẹ irivwi, te emọ te ekpako, ri mudia vwẹ obaro rẹ ekete na, e de rhie ẹbe phihọ. E de ji rhie ọbe ọfa, kọye hẹ ọbe rẹ arhọ na. Obo re si phihọ ẹbe na kọye e ni guẹdjọ rẹ irivwi na, kirobo rẹ ayen ruru.