Daniẹl 12:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ebruphihọ kẹ ohwo rọ sa hẹrhẹ rọ de te ẹdẹ uriori ujori erha gbẹ ọgban gbẹ iyori.

Daniẹl 12:12 ပူးပေါင်းရင်းမြစ်များ

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Izikiẹl 4:6

Ọke wọ de ru enana gba nu, ku wo shevwerhẹ obọ rivẹ, ẹkẹvuọvo ke obọrhe wẹn, ku wọ ghwa oghwa rẹ uwevwi ri Juda, ẹdẹ ujuvẹ mi bru kẹ wẹ, ẹdẹ ọvo ẹgbukpe ọvo.

Daniẹl 8:14

Ọ da ta kẹ, ovwọnvwọn vẹ irhiọke uriori ivẹ kugbe ujori erha; kẹsiẹye a ke cha rhoma ma ẹshẹ na phihọ ẹdia ro shephihọ kẹ.

Ọbe ri Pọl si rhe Ihwo ri Rom 11:15

Ẹsiọn rẹ ihwo ri Ju da nẹrhẹ arhuẹrẹ akpọ na kugbe, ẹreyọ rayen kẹ arhọ rẹ evrenushi?

Ẹvwọphia 11:2

ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.

Ẹvwọphia 13:5

A da vwẹ unu kẹ rere ọ vwọ ta eta ebrabra kugbe eta rẹ ophọphọvwe, a da rhọvwe kẹ nẹ o vwo ogangan nana emeranvwe ujuvẹ gbẹ ivẹ;

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.