Daniẹl 12:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Daniẹl 12:1 ပူးပေါင်းရင်းမြစ်များ

Une rẹ Ejiro 56:8

Wẹ ri kere obo rẹ ayen phieghe uvwe te, phi ame oviẹ mẹ phihọ evun rẹ ọgọ! Ayen hẹ evun rẹ ọbe wẹn na?

Une rẹ Ejiro 69:28

Jẹn ephoro odẹ rayen nẹ ọbe rẹ ihwo ekpokpọ na; ẹ jẹn e si odẹ rayen phihọ ohri rẹ evwata-a.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Izikiẹl 34:24

Mẹvwẹ, Ọrovwohwo na, kọ dia Ọghẹnẹ rayen, odibo mẹ Devid kọ dia ovie vwẹ ohri rẹ ayen, Mẹvwẹ, Ọrovwohwo na, tarọ nure.

Izikiẹl 5:9

Fiki rẹ ẹgua wẹn na ejobi ki mi che nene uwe ru obọ mi ji ru dẹvo-o, oghẹre rẹ emu ọtiọye na mi gbi ji se ruo ọfa bẹdẹ-ẹ.

Daniẹl 10:13

Osun rẹ uvie ri Pẹsha de mukpahe ovwẹ ẹdẹ uje gbẹ ọvo, ẹkẹvuọvo Maikẹl, ọvo vwẹ usun rẹ isun na, da rhe cha vwẹ uko, ọtiọye re me da yan jovwo vẹ osun ri Pẹsha na.

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Matiu 24:21

Ọke yena ukpokpogho rode kọ cha phia, ra je mrẹ oghẹre rọye dẹvo-o, eyẹ ọfa ro rho te oghẹre ọtiọna gbe sa phia bẹdẹ-ẹ.

Iyẹnrẹ Esiri ri Mak 13:19

kidie ukpokpogho ra je mrẹ dẹvo-o nẹ ẹtuọhọ rẹ ẹma rẹ Ọghẹnẹ rhe rhi te ọke nana cha phia vwẹ ẹdẹ yena, a gbe je mrẹ oghẹre ọtiọye ọfa bẹdẹ-ẹ.

Iyẹnrẹ Esiri ri Luk 10:20

Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.

Ọbe ri Pọl si rhe Ihwo ri Rom 11:15

Ẹsiọn rẹ ihwo ri Ju da nẹrhẹ arhuẹrẹ akpọ na kugbe, ẹreyọ rayen kẹ arhọ rẹ evrenushi?

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

Ẹfesọs 1:21

ro kpenu nọ ivie ejobi kugbe isuesun ejobi kugbe ogangan ejobi kugbe ubrakpọ ejobi, rọ nọ odẹ kodẹ re se ejobi, ọ dianẹ kẹ oge nana ọvo-o ẹkẹvuọvo ji te oge rọ cha;

Filipae 4:3

Me je rẹ ovwan rhe, otu mẹ rẹ uyota re me vẹ ayen gbe mu urhekpẹ ọvo na, wa cha eya nana uko, kidie ayen mudia kẹrẹ ovwẹ kpẹkpẹkpẹ vwọ wian owian rẹ iyẹnrẹ esiri na kugbe Klẹmẹnt kugbe ayen otu rẹ iruiruo ri chekọ, re si edẹ rayen phihọ ọbe rẹ arhọ na.

Ọbe ri Jud 1:9

Ẹkẹvuọvo ọke ri Maikẹl onotu rẹ emakashe na, vẹ idẹbono vwọ phra aphro, rẹ ayen vwo sivwi orivwi ri Mosis, o ghwe se brorhiẹ hwe rọ da harhọ-ọ, ẹkẹvuọvo ọ da tanẹ, Ọrovwohwo duvwu uwe iyori.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 12:7

Asakiephana ofovwi de rhi she vwẹ obo odjuvwu, Maikẹl vẹ emakashe rọye ki nene Okpodje na họnra; Okpodje na vẹ emakashe rọye je ghwa họnra,

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 20:12

Me da mrẹ irivwi, te emọ te ekpako, ri mudia vwẹ obaro rẹ ekete na, e de rhie ẹbe phihọ. E de ji rhie ọbe ọfa, kọye hẹ ọbe rẹ arhọ na. Obo re si phihọ ẹbe na kọye e ni guẹdjọ rẹ irivwi na, kirobo rẹ ayen ruru.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.