Daniẹl 11:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ je cha ghwẹ ẹdjọ rayen kpo Ijipt kugbe ema re duvwuru vẹ ekuakua rẹ idọnọ efuanfọn vẹ oro rọ ghare, vwẹ ikpe evo o rhe che nene ovie rẹ obọhwẹre ọnre na họnre-e.

Daniẹl 11:8 ပူးပေါင်းရင်းမြစ်များ

Jẹnẹsis 31:30

Asakiephana wo ro kpo fikiridie urhuru rẹ uwevwi rẹ ọsẹ wẹn si we, ẹkẹvuọvo kidie wo rhe vwo cho ẹdjọ mẹ?

2 Samuẹl 5:21

Filistia da yan jẹn ema rayen vwo etiyin, Devid vẹ ihwo rọye de mu ayen yanran.

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Aizaya 2:16

vwọ kẹ eko ejobi ri Tarshish; ke ekọ ri yovwiri ejobi.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Jerimaya 46:25

Ọrovwohwo rẹ otuofovwi Ọghẹnẹ rẹ Izrẹl, tare nẹ: Nighe, mi che hwe Amọn ri Tibis, vi Fẹro, te Ijipt vẹ edjọ rọye kugbe ivie rọye, vwẹ enu ri Fẹro vẹ ihwo re vwẹ ẹro suọ.

Daniẹl 10:3

Me re obo rẹ miẹmiẹ-ẹ, eranvwe eyẹ udi te vwẹ unu-u, me vwẹ ori vwo ghworo oma mẹ kakaka-a, vwẹ ọsoso rẹ ẹdidjana erha.

Daniẹl 11:9

Ọ rẹ okuko na kọ cha rhe otọ rẹ ovie rọ obuko ọnre na, ẹkẹvuọvo ko che rhivwi kpo otọ rọye.

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Hosia 8:6

Vwẹ Izrẹl? Oruona re marọ, ọ dia Ọghẹnẹ-ẹ. Upene rẹ erhuẹn ri Sameria, ka guọghọ ivwivwuvwu.

Ukeri 33:4

vwẹ ọke rẹ ihwo rẹ Ijipt vwo shi emekpako rayen, rẹ Ọrovwohwo hweri vwẹ ohri rẹ ayen; kugbe edjọ rayen rẹ Ọrovwohwo ji brorhiẹ hwe.

Urhi Rivẹ 12:3

we kporo egbada rayen kuotọ, guọghọ isunsun rayen ibribro, vwẹ erhanre torhẹ ighriki rayen; we she ema rẹ ẹdjọ rayen kuotọ, wa ghwọrọ odẹ rayen nẹ Etiyin,

Iguẹdjọ 18:24

Etiyin ọ da ta kẹ ayen nẹ, ovwan reyọ edjọ mẹ re me manre, kugbe orherẹn mẹ yanran, kidie rhe chekọ kẹ vwẹ?