Daniẹl 11:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ikpe evo da wan nu, ayen ki che mu ugbeyan, ọmọtẹ rẹ ovie rẹ obuko ọnre ko che bru ovie rẹ obọhwẹre ọnre rhe, rhe guọnọ ufuoma, ẹkẹvuọvo o gbe sa yọnrọn ogangan rẹ igbabọ rọye-e, tẹ ọye vẹ uvwiẹ rọye cha dia krẹ-ẹ, ẹkẹvuọvo ke cha siobọ no, te idibo rọye, ọmọ rọye, kugbe ihwo re wan oma rọye fe.

Daniẹl 11:6 ပူးပေါင်းရင်းမြစ်များ

ỌBE RẸ JOB 38:15

E fu urhukpẹ fiki rẹ ohwo umwemwu, obọ rọ kpare kpenu e vwirhiro.

Une rẹ Ejiro 10:5

Idjerhe rọye yovwẹ vwe ọke ejobi; edjoeguo wẹn ọ hẹ obenu, e siro nu kẹ; vwọ keẹ ivwighrẹ rọye ejobi, ọ mienu phihọ ayen.

Izikiẹl 30:21

Ọmọ rẹ ohwo, mi vwirhi ugbobọ ri Fẹro ovie rẹ Ijipt, gbe no, a je gba-a, ayen rha sa vwẹ amwa gba rere o vworo-o, rere ọ vwọ gan ro vwo jọ vwọ yọnrọn ọlọkọ

Daniẹl 11:13

Kidie ovie rẹ obọhwẹre ọnre je cha ghwa urogho buebu rhe, ri bunọ e rẹsosuọ, ikpe evo da wan nu, kọ cha ghwẹ unuofovwi rode rhe vẹ ekuakua buebu.

Daniẹl 11:15

Etiyin re ovie rẹ obọhwẹre ọnre kọ cha hwa riariẹ phihọ o mi phi orere ra gba ogba ọgangan phihọ na kua. Egba rẹ unuofovwi ro nẹ obuko ọnre rhe na dede che se mudia-a, eyẹ ihwo ro di mu tọrọ nẹ obonẹ vẹ obonẹ rhe-e, kidie ayen che vwo ogangan vwo mudia-a.

Daniẹl 11:40

Ọke rẹ obo oba na de te ovie rẹ obuko ọnre na ko che nene họnre, ẹkẹvuọvo ovie rẹ obọhwẹre ọnre kọ cha họrhọ ruọ kerẹ ukori rẹ odju vẹ ekpẹrẹ rẹ ofovwi vẹ ihwo re gua iyesi, vẹ ekọ buebu, ko che te irho buebu ko phi ayen kparobọ ọ me wanvrẹn

Daniẹl 11:7

Vwẹ ọke yena oghọn ọvo kọ cha tan nẹ awọ rọye rhe vwẹ adia rọye; ko che nene unuofovwi na họnre kọ cha ro ogba rẹ ovie rẹ obọhwẹre ọnre, ọ ve ayen che phi ko che phi kparobọ.

Zekaraya 11:16

Kidie gbe nighere, Me vwẹ osuigegede ọvo mu vwẹ otọ na rọ cha kerhọn rẹ igegede ri ghwẹ na-a, eye ke guọnọ e re yan ghwrẹ na-a, eyẹ ki sivwi ri ghwu awọ na-a, eye ke ghẹrẹ erẹ oma ganre-e. Ẹkẹvuọvo kọ ria otu rẹ oma ronri, savwe ephiẹ rayen nẹ ayen awọ.