Daniẹl 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ O de rhi vrẹnre, uvie rọye kọ cha guọghọ ka gharọ phihọ igogo ẹne rẹ irharheghe na, ẹkẹvuọvo ọ dia emọ rọye a cha gharọ kẹ-ẹ, yẹrẹ kirobo rẹ ogangan rẹ isuesun rọye epha-a, kidie a cha sanvwẹ uvie rọye reyọ ko che vwọ kẹ ihwo efa.

Daniẹl 11:4 ပူးပေါင်းရင်းမြစ်များ

Une rẹ Ejiro 39:6

Omuẹro ohwo de ra yan kerẹ uhoho! omuẹro ayen di do ghevweghe; ohwo de ghwẹ koko, yọ riẹn ohwo ro che vwo aye-en!

Aghwoghwo 4:8

ohwo ro vwo ohwo-o, o vwo ọmọshare-e eyẹ oniọvo rẹ ọshare-e, yo siẹgba rẹ owian, yẹ efe ro vwori da ẹro-o, o rha nọ oma rọye nẹ, kono mi vwi fiki rọye wian owian nana rọ djẹ vwẹ omavwerhovwẹ e vwo na? Ọnana je hẹ odiodi vẹ iruo rẹ omaẹlaghọ.

Jerimaya 12:15

Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

Jerimaya 12:17

Ẹkẹvuọvo ọ da dianẹ orere yena gbe kerhọ-ọn ke me kọrọ, je ghwọrọ tototo, eriyin Ọrovwohwo tare.

Jerimaya 18:7

Ọ da dianẹ mi ghwoghwo kpahe orere eyẹ uvie nẹ ọkeọvo mi che ghwie notọ re me ghwọrọ,

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Jerimaya 45:4

Enẹ wọ cha ta kẹ, Enẹ Ọrovwohwo tare: Nighe, obo re me bọnre me guọghọ te otọ, obo re me kọnre me kọnrọ kọye hẹ otọ na soso.

Jerimaya 49:36

ke me cha reyọ odju ẹne nẹ igogo ẹne rẹ odjuvwu na rhe rhurhu Elam, me me hra ayen kẹ odju na, o rhe vwo ẹgborho ọvuọvo re ihwo ra djẹ nẹ Elam na che jẹ ra-a.

Izikiẹl 37:9

Etiyin ọ da ta kẹ vwẹ, Mraro kẹ ẹnwẹn na, mraro, ọmọ rẹ ohwo, re wọ ta kẹ ẹnwẹn na, E nẹ Ọrovwohwo Ọghẹnẹ tare: Ne igogo ẹne rẹ odju na rhe, E ẹnwẹn, rere wọ nwẹn ku enana re hweri na, rere ayen rhọ.

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Daniẹl 7:6

Ọnana vwọ wan nu mi de ni, nighe, ọfa, rọ họhọ edjẹnẹkpo, vẹ ibekpe rẹ ọphran ẹne vwẹ obuko rọye; eranvwe na vẹ uyovwi ẹne, a da vwẹ ogangan rẹ isuesun vwọ kẹ.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Daniẹl 8:22

Vwọ kpahe ighoro re vwirhiri ye, rẹ ighoro ẹne da tan nẹ ẹdia rọye rhe na, uvie ẹne che mu vwẹ ẹgborho roye na rhe, ẹkẹvuọvo ọ dia ogangan rọyẹ-ẹ.

Daniẹl 8:8

Etiyin ẹkpro na da rhe kpare oma rọye kpenu gangan, ẹkẹvuọvo ọke rọ rhe vwọ ganre, ighoro rọye rọde na de rhi vwirhi, asan rẹ ighoro na vwirhi nu na ighoro ẹne efa da tan no rhe ri nẹ igogo rẹ odju ẹne rẹ irharheghe rẹ akpọ na.

Zekaraya 2:6

E! E! Djẹ nẹ otọ rẹ obọrhe ọnre, Ọrovwohwo tare; kidie Me hra wẹ ro asan ejobi vwe igogo ẹne rẹ akpọ na, Ọrovwohwo na tare

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Matiu 12:25

Ọ vwọ riẹn iroro rayen, ọ da ta kẹ ayen nẹ, uvie da ghare omobọ rọye, kọ hra, orere da vwọ so omobọ rọye ko she.

Iyẹnrẹ Esiri ri Luk 12:20

Ẹkẹvuọvo Ọghẹnẹ da ta ke, Ekpa! Ason nana a reyọ erhi wẹn mie we; ekuakua re wọ ghwẹ koko na, kono ri vwo ayen?

Ẹvwọphia 7:1

Rẹ ọna vwọ wan nu me da mrẹ emakashe ẹne ri mudia phihọ igogo ẹne rẹ akpọ na, re yọnrọn ọgan rẹ odju ẹne rẹ akpọ na, rere odju vwo je djuo vwe enu rẹ akpọ na eyẹ abadi eyẹ urhe kurhe.