Daniẹl 11:38 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁸ Ọ cha vwẹ ọghọ kẹ edjọ rẹ ogba na chọ enana ra, edjọ rẹ esẹ rọye riẹnre-e kọye ọ cha vwẹ oro vẹ idọnọ efuanfọn bru ọghọ phihọ oma, vẹ ibieragha vẹ ẹse eghaghare.

Daniẹl 11:38 ပူးပေါင်းရင်းမြစ်များ

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Daniẹl 11:37

Ọ cha davwerhọn rẹ ẹghẹnẹ rẹ esẹ rọye-e, yẹrẹ ohwo ọvo rẹ eya na ma guọnọ, ọ cha davwerhọn rẹ edjọ-ọ kidie o che mu oma rọye kpenu nọ ayen ejobi.

Daniẹl 11:39

Ọ vẹ ogba rọ ma gan ejobi gbe che vwo te vẹ ọchuko rẹ edjọ ọrhorha. Ihwo re rhọvwe kẹ kọye ọ cha vwẹ ọrho kẹ. Kọ cha vwẹ ayen muẹ vwẹ enu rẹ ihwo buebu, kọ ghare otọ na vwọ hwa osa kẹ ayen.

Daniẹl 11:7

Vwẹ ọke yena oghọn ọvo kọ cha tan nẹ awọ rọye rhe vwẹ adia rọye; ko che nene unuofovwi na họnre kọ cha ro ogba rẹ ovie rẹ obọhwẹre ọnre, ọ ve ayen che phi ko che phi kparobọ.

1 Timoti 4:1

Asakiephana Erhi na tare phẹphẹ nẹ ukuko rẹ akpọ na vwobọ ihwo buebu che she nẹ esegbuyota na rẹ ayen da cha kerhọn rẹ erhi rẹ ophiẹvwe kugbe uyono rẹ efian rẹ idẹbono,

Ẹvwọphia 18:12

oghwaeki rẹ oro, idọnọ efuanfon ivie kugbe irhu, esada iyoyovwi, orhurhu, esada kugbe ododo, irhe ri gbo ọnrhe ororo ejobi, ekuakua rẹ akoeni ejobi, ekuakua rẹ irhe eghaghare ejobi, ẹrovwo, itehru kugbe eragha ri lo wrowro,